Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O Concello de Tui, a través da súa concellería de Cultura, conmemorará o CXXXI aniversario da celebración na nosa cidade dos Xogos Florais de Galicia. Tiveron lugar do 24 ao 26 de xuño do ano 1891 marcando un singular fito na historia de Galicia, ao ser o primeiro acto público celebrado integramente na nosa lingua.
O venres, 24 de xuño, ás 20 h na praza de Frómista celebrarase un recital poético co que se conmemorará o CXXXI aniversario da celebración na nosa cidade dos Xogos Florais de Galicia. Tiveron lugar do 24 ao 26 de xuño do ano 1891 marcando un singular fito na historia de Galicia, ao ser o primeiro acto público celebrado integramente na nosa lingua.
No recital participará Marta Dacosta, Gonzalo Navaza, Lorena Conde e Marga do Val, acompañados por Marta Quintana que interpretará música de arpa.
Este acto pecha a programación Tui en Letras.
O Conservatorio Profesional de Música de Tui impartirá dende o próximo curso escolar 2022/23 o Grao Elemental. O pasado martes, 14 de xuño, publicouse no DOGA a autorización das ensinanzas elementais de música por parte da Consellería de Cultura, Educación, Formación Profesional e Universidades. Deste xeito o centro tudense impartirá ensinanzas regradas elementais de música en quince especialidades instrumentais: piano, guitarra, violín, clarinete, guitarra eléctrica, frauta traversa, gaita, saxofón, percusión, óboe, viola, violonchelo, trompeta, trombón e tuba.
A concellería de Cultura do Concello de Tui continua avanzado no programa de actividades denominado “Tui en letras” que, ao longo dos meses de maio e xuño, ven ofertando un amplo programa de actividades de promoción da lectura e a lingua galega.
Tui acollerá este verán diversas actividades deportivas e lecer promovidas polo Concello de Tui e por distintas asociacións e club deportivos do municipio que en conxunto presentan unha ampla oferta para os meses estivais.
Mañá venres, 10 de xuño, ás 19 h inaugurarase no anexo da Sala de Exposicións Municipal a mostra “Nada ha sido fácil” de Xulio M. Sigüenza. Nesa mostra o autor convida a realizar unha viaxe poética a través da súa intervención con diversos textos e obxectos. Así atopamos na exposición unha mesa, único moble do habitante dunha casa, unha porta, ou a pegada dun nenos sobre un ladrillo. Amósase tamén o “legado de Tabliñas” escrito sobre unha antiga chapa galvanizada.
Até finais de xuño, o anexo da Sala de Exposicións Municipal acolle mostra “Nada ha sido fácil” de Xulio M. Sigüenza.
Este verán en Tui contamos cunha ampla oferta de actividade de lecer e deportivas promovidas tanto polo concello coma por distintas entidades, asociación e clubs:
Mañá xoves, 9 de xuño, coincidindo coa celebración do Día Internacional dos Arquivos, o Concello de Tui entregará á Catedral tudense unha reprodución facsímile do diploma concedido polo rei Fernando II á sede tudense no ano 1170. O acto terá lugar ás 11.30 h no Salón de Plenos da Casa do Concello coa asistencia do alcalde, Enrique Cabaleiro, e do deán do Cabido da Catedral, José Diéguez Dieppa.
O 1 de marzo de 1814 nacía en Tui Rosendo Salvado. A súa vida e obra foi divulgada no ciclo organizado polo Concello de Tui que se desenvolveu entre o luns 30 de maio e o sábado 4 de xuño.
