Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá xoves, 19 de abril, as 10h na sala de prensa, no primeiro andar da Área Panorámica, terá lugar a presentación da décimo cuarta edición de Play-Doc, o Festival Internacional de Documentais de Tui, que se vai celebrar do xoves 26 de abril ao martes 1 de maio en Tui.
Hoxe cúmprense 15 anos da primeira representación no Teatro Municipal de Tui. Foi o 11 de abril de 2003 con “Fausto” da man de Teatro de Ningures. Dende entón teñen pasado polo teatro máis de 321 mil usuarios nestes quince anos de actividade. A posta en marcha destas instalacións mudou de xeito considerable a oferta cultural no municipio.
A música encherá mañá domingo, 8 de abril, as rúas de Tui coas distintas actividades previstas no marco das Festas de San Telmo.
O deporte abre a programación do sábado, 7 de abril, nas festas de San Telmo en Tui. Medio centenar de persoas participarán dende ás 10h na Andaina Festas de San Telmo que realizará un percorrido urbano de 8 quilómetros. Unha hora máis tarde comezará a Carreira Popular Solidaria de San Telmo na que se inscribiron 600 persoas nas distintas categorías dende veteranos e senior até pitufos. Entre as novidades deste ano está que se recurta a distancia para as categorías superiores que será de 5 quilómetros.
Dentro da programación das festas de San Telmo mañá venres rematan as actividades para os máis pequenos que se veñen celebrando dende o luns. Os monitores de Chirlomirlo compartirán a mañá, de 11 a 13h, na Área Panorámica cos nenos que desexen participar en “A gran xincana”. Os cativos terán que descrifrar as claves que lles permitirán realizar un percorrido determinado polo circuíto de probas.
A música será un dos pratos fortes mañá xoves, 5 de abril, na programación das festas de San Telmo. As actuación previstas inicialmente para o venres anticípanse para mañá debido á previsión de choiva que hai para venres. Deste xeito o Paseo da Corredoira acollerá dende ás 19h o Mercado de Autor e Food Trucks coa participación de Pau e Lume, Mis Co-Midas e La chaca. Ás 20h comezará o karaoke no que calquera persoa poderá participar interpretando as súas cancións favoritas.
Mañá mércores, 4 de abril, será Día do Deporte dentro da programación das Festas de San Telmo con exhibicións de distintos deportes que se van celebrar no pavillón do IES San Paio.
“Xogando coa música” é o título do obradoiro que Chirlomirlo vai realizar mañá martes, de 11 a 13h na Área Panorámica dentro das actividades infantís das festas de San Telmo. Os cativos, dende os 3 anos, fabricarán instrumentos de vento, corda e percusión con distintos materiais.
Xa pola tarde, ás 16h, Sala Félix Rodríguez da Área Panorámica acolle a segunda proxección de cinema con En Un Tris Tras e a película “Batman. La Lego Película”.
Hoxe luns, 2 de abril, comezan as actividades infantís que se van a celebrar cada mañá até o venres na Área Panorámica para nenos dende os 3 anos en horario de 11 a 13h da man de Chirlomirlo. A primeira proposta chega baixo o título de “Teatro reciclado”. Na mesma os cativos crearán personaxes, marionetas, con calcetíns, goma eva, botellas de plástico... e logo levarán a cabo unha pequena representación de teatro de monicreques.
A Semana de Teatro Amador que se celebra co gallo das festas de San Telmo cumpre unha década. Esta iniciativa xurdiu hai dez anos co obxectivo de brindarlles aos grupos de teatro afeccionado que hai en Tui a posibilidade de actuar no Teatro Municipal de Tui nas mesmas condicións en que o fan as compañías profesionais. Esta semana está plenamente consolidada contando cando ano co beneplácito do publico que en moitas das función completa a capacidade do teatro.
