Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
“Gaia” é o título do espectáculo para público familiar que este venres, 16 de novembro, ás 20h Entremans Cia presenta no Teatro Municipal de Tui.
A través da voz e a danza, e cunha óptica moi visual, as bailarinas Kirenia Celia Martínez e Estefanía Gómez nos achegan ao planeta Terra, e á interacción entre as persoas e o medioambiente.
O Teatro Municipal de Tui acolle este venres, 9 de novembro, as 21.30h o concerto de Xabier Díaz e Adufeiras de Salitre. Neste concerto presentarán a música sólida ancestral e serena de “Noró, algunhas músicas do norte” o seu último traballo, e fará ademáis un repaso por traballos anteriores.
Todo un clásico da literatura coma é a historia de Peter Pan, pero cunha nova lectura e adaptado aos novos tempos é o que chega este mércores, 31 de outubro ao Teatro Municipal de Tui. A compañía rioxana El Perro Azul será a encargada de pór en escena “Peter Pan y Wendy”.
O Concello de Tui vén de rematar nos últimos días a ampliación da sinalización do Conxunto Histórico Artístico e en parte do trazado do Camiño Portugués de Santiago. Para acometer este proxecto contouse cunha achega da Axencia de Turismo de Galicia que concedeu 18.265,24€ dos 28.100,37€ que se investiron. Neste caso tratouse da instalación de 16 novos sinais en puntos de interese, que se suman aos 36 colocados na primeira fase desta sinalización iniciada en 2016.
Este venres, 26 de outubro, ás 20.00h terá lugar na Sala Félix Rodríguez, na Área Panorámica, a presentación do libro “La gripe de 1918 en Tui” que asina o tudense Rosendo Bugarín, doutor en medicina e especialista en Medicina Familiar e Comunitaria. No acto de presentación, ademais do autor, intervirán o alcalde de Tui, Carlos Vázquez Padín, o presidente da Real Academia de Medicina e Cirurxía de Galicia, José Carro Otero, e o presidente da Comisión de Ética e Deontoloxía do Colexio Oficial de Médicos da Provincia de Pontevedra, Diego Murillo Solís.
Este venres, 26 de outubro, ás 20.00h o Teatro Municipal de Tui acolle o espectáculo musical “A fiestra dos soños” da compañía Trotaventos a Santiago. O espectáculo de Manuel Boquete e Ramón Feans está baseado no libro de poemas ilustrados e musicados que da nome a obra, “A fiestra dos soños”. É un concerto para soñadores que permite ao público asistente achegarse a un mundo máxico da man dos diferentes ritmos e compases.
A concellería de Educación do Concello de Tui asume neste curso o desprazamento dos escolares dos distintos centros educativos de Tui cara ao Teatro Municipal de Tui para asistir as distintas funcións programadas nos próximos meses para o alumnado de Infantil e Primaria. Deste xeito búscase garantir a igualdade de oportunidades de todos os escolares para asistir a esta programación cultural que se realiza en horario escolar, proporcionando o desprazamento necesario aos centros educativos, segundo explicaba a concelleira de Educación, Mila González.
Este venres, 19 de outubro, ás 21.30h o Teatro Municipal de Tui acolle a proxección da película Dhogs, dirixida por Andrés Goteira e galardoada con 13 premios Mestre Mateo, incluído o de mellor película.
A protagonista do filme, Alex, goza da última copa no bar dun hotel de luxo, allea á morea de desagradables acontecementos que vivirá nas próximas horas. A súa aventura cun executivo será o preámbulo dunha espiral de violencia na que se verá inmersa e que a levará por unha senda de sufrimento fóra do seu control.
O público infantil é o destinatario do segundo espectáculo da programación de Outono que este xoves chega ao Teatro Municipal de Tui. A cita será ás 20h coa compañía Ghazafelhos e a obra “Rubicundo”. Pepablo Patiño é o autor e director desta obra teatral destinada público a partir dos 3 anos, que el mesmo interpreta xunto a Montse Piñón e Jorge Casas.
Hoxe ábrese a programación cultural de Outono no Teatro Municipal de Tui. Será coa representación da comedia negra “A Leituga” da man de Eme2. A cita será ás 21.30h.
Neste espectáculo Víctor Duplá dirixe a Antonio Durán “Morris”, Federico Pérez, María Vázquez, Mercedes Castro, e Xosé Barato. nesta obra teatral na que cinco familiares, tres irmáns e as parellas de dous deles, reúnense na casa da irmá maior para celebrar o aniversario do pai, que se atopa en estado de coma dende hai nove anos.
