Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá martes, 23 de abril, Día do Libro, está prevista unha actividade de bookcrossing no conxunto histórico de Tui ao longo de todo o día. Liberaranse polas distintas rúas libros de diferentes temáticas.
A partir das 11 h na Área Panorámica, con entrada pola porta 5, continúan as actividades infantís para nenos e nenas de 5 a 16 anos. Os cativos e cativas deseñarán, personalizarán e colorearán as súas propias chapas.
A música e o folclore protagonizan o segundo día das Festas de San Telmo este domingo, 21 de abril. O programa ábrese ás 12h co pasarrúas que polo centro urbano vai realizar a charanga Cantos Somos.
Este sábado, 20 de abril, ás 20 h na sala Xacobeo da Área Panorámica terá lugar a inauguración das exposicións “Surge et ambula. A memoria do Teatro Principal” e “70 anos da escultura de Rosendo Salvado” que forman parte do programa das Festas de San Telmo.
O Teatro Municipal de Tui acollerá do luns 22 ao sábado 27 de abril, coincidindo coas festas de San Telmo, a XI Semana do Teatro Amador, coa participación dos grupos de teatro tudenses. A presentación deste evento tivo lugar esta mañá na casa do concello a cargo do alcalde de Tui, Carlos Vázquez Padín, o concelleiro de Cultura, Eduardo Freiría, xunto a representantes dos grupos de teatro participantes: Compañía Artística Interdisciplinar do Espazo Xove, Atalaia do Centro Sociocomunitario de Tui, Aloia da Asociación Aloia de Pazos de Reis, Chirlomirlo e Garabullada da Asociación Xuntanza
As festas de San Telmo 2019 comezan oficialmente este sábado, 20 de abril, ás 19 h no Teatro Municipal coa lectura do pregón a cargo de Carlos Pérez-Fonterosa Antón, recoñecido comerciante e filatelista de 89 anos , posuidor dunha valiosa colección filatélica sobre o Camiño de Santiago, coa que gañou varios certames e que mesmo amosou na China. Foi fundador do Grupo Filatélico e Numismático tudense, tenente de alcalde do Concello de Tui durante o mandato do alcalde Casal Aboy, e tesoureiro da Cámara de Comercio de Tui, entre outros cargos.
Mañá mércores, 17 de abril, ás 11 h terá lugar no salón de sesións da casa do concello de Tui a presentación da XI Semana do Teatro Amador que se vai celebrar no Teatro Municipal do luns 22 ao sábado 27 de abril coincidindo coas festas de San Telmo.
Tui celebrará do sábado 20 ao luns 29 de abril – festivo local na cidade – as Festas na honra a San Telmo cunha programación pensada para todos os públicos. A presentación dos festexos tivo lugar esta mañá na casa do concello a cargo do alcalde, Carlos Vázquez Padín, o concelleiro de Cultura e Patrimonio, Eduardo Freiría, o concelleiro de Seguridade, Antonio Castro, a concelleira de Educación, Mila González, e a concelleira de Servizos Sociais, Estrella Muradás.
Mañá, venres 12 de abril, ás 11.30h terá lugar no salón de plenos do Concello de Tui a presentación das Festas de San Telmo 2019 que se van a celebrar do 20 ó 29 de abril.
Na presentación estarán o alcalde de Tui, Carlos Vázquez Padín e membros da corporación municipal.
O pasado sábado arrancaba en Tui a Festa do Meixón que se prolongará até o 29 de abril coincidindo coas festas de San Telmo. Trala presentación realizada o pasado venres en Tui, o sábado o alcalde de Tui, Carlos Vázquez Padín, xunto o concelleiro de cultura, Eduardo Freiría, desprazáronse até o Concello de Ourense para presentar tamén alí este festexo gastronómico xunto ao alcalde de Ourense, Jesús Vázquez, co obxectivo de promocionar o evento tamén a nivel galego.
Ábrese o proceso de inscrición para aquelas persoas que desexen participar no taller e no concerto “As Badaladas de San Telmo” que terá lugar do venres 26 ao domingo 28 de abril, en diferentes campanarios tudenses. Dirixido por dúas persoas especialistas de recoñecemento internacional e coa coordinación artística do festival Música no claustro, este concerto súmase á sensibilización e ó coñecemento do toque manual de campás coma patrimonio cultural inmaterial.
