Este domingo regresa a IX Eurocidade BTT, proba ciclista de montaña non competitiva, que tras dous anos de parón debido á pandemia volverá reunir aos afeccionados da BTT de Galicia e Portugal nun evento entre dous países.

A proba foi presentada esta mañá polo alcalde de Tui en funcións e concelleiro de Deportes, Rafael Estévez, o vereador de Desporto de Valença, Arlindo Sousa,  o presidente da Peña Ciclista Biciosos Rías Baixas, Eduardo Fernández, e o representantes da Federación Galega de Ciclismo, Óscar Sánchez.

Esta xa habilitado na web municipal un formulario para que a veciñanza poida ofrecer a súa axuda á poboación ucraína. 

Deste xeito búscase coñecer os recursos, tanto materiais coma humanos, cos que se pode contar en Tui  para axudar á poboación ucraína desprazada ao municipio.

Así por unha banda a cidadanía pode ofrecer vivenda, gratuíta ou en aluguer, pero tamén o seu tempo realizando labores de tradución, axudando en clases de castelán, levando a cabo reforzo educativo, acompañamento, clasificación e organización de material, … indicando a súa dispoñibilidade horaria.

Este mércores, 16 de marzo, ás 11.00 horas, no salón de plenos da casa concello de Tui, terá lugar a presentación da XLI Regata Miño Internacional, que se celebrará no río Miño, este sábado 19 de marzo. Está organizada polo Club Remo do Miño, en colaboración co Concello de Tui, co Deporte Galego da Xunta de Galicia, coa Deputación de Pontevedra e coa Federación Galega de Remo.

O alcalde de Tui, Enrique Cabaleiro, reuniuse co sector ferroviario de CCOO para abordar as melloras do servizo ferroviario.  En concreto recibiu na casa do concello a Juan Gómez e Antón Conde, representantes de Renfe e Adif, respectivamente. Este encontro forma parte da rolda de contactos que CCOO está a manter cos alcaldes e alcaldesas dos municipios próximos á liña Atlántica e do Miño.

O avogado e politólogo de Ponteareas Roberto Mera Covas presenta mañá xoves, día 10 de marzo, en Tui o seu libro “Alejandro Viana. Un galego á fronte do rescate dos refuxiados republicanos”, publicado por Belagua Ediciones. O acto terá lugar ás 20.00 h no Edificio Francisco Sánchez (antiga Área Panorámica) e nel invervirán o alcalde de Tui, Enrique Cabaleiro, e Manuel Vázquez de la Cruz, membro da asociación Levada Libre.

Hoxe ás 12 h concentración en solidariedade co pobo de Ucraína na praza do Concello.

O Concello de Tui, responde así á solicitude realizada pola Federación Española de Municipios e Provincias, FEMP, de convocar á veciñanza a concentrarse hoxe, mércores 9 de marzo, ás 12 h diante da casa do concello, coma mostra de solidariedade co pobo de Ucraína. 

Deste xeito amósase o rexeitamente das entidades locais españolas á invasión deste país, aos sufrimento, dor e destrucción que está ocasionando, así coma ao éxodo forzado de millóns de persoas. 

Tui reivindicou hoxe unha igualdade real e efectiva entre homes e mulleres no acto conmemorativo do Día Internacional da Muller.  O edificio dos antigos xulgados, acolleu este evento, que abriu Marta Quintana interpretando “Setestrelo” de Guadi Galego á arpa.

A Sala Municipal de Exposicións de Tui acolle até o xoves, 24 de marzo, a exposición “Sabores e Aromas de Sefarad. Os segredos da gastronomía xudeu-española” organizada pola Red de Juderías de España – Caminos de Sefarad e o Concello de Tui, que forma parte desta Red dende o pasado ano 2019.

Debido ao interese evidenciado nos primeiros días da campaña fluvial do Miño, colócase a disposición dos interesados dous paseos diarias de barco. Mantense o horario das 16:00 horas, engadindo outro ás 17:30 horas. A inscrición, gratuíta e limitada a 15 persoas por viaxe, realízase nos quioscos de información situados nos embarcadoiros de Salvaterra de Miño e Tui, ou no sitio web de Hemisférios www.hemisferios.org, o tour operador responsable da organización das viaxes.

Catorce persoas coidadoras de familiares dependentes participan dende onte xoves no  programa “Coidándome” posto en marcha polo Concello de Tui, coa colaboración de AFAGA.

Durante doce sesións, os xoves de 10.30 a 12h, as persoas participantes recibirán información e formación sobre as diferentes patoloxías que xeran dependencia e estratexias prácticas para o coidado. Tamén recibirán orientación sobre recursos sociais e de apoio para situación de dependencia, ao tempo que se incidirá na gran importancia do autocoidado.