Trece eventos deportivos que se van desenvolver entre os meses de febreiro e decembro conforman o calendario deportivo da Eurocidade Tui-Valença que foi presentado este mediodía na Cámara Municipal de Valença. Prevese que participen nestas actividades deportivas máis de 7 mil persoas.

Mañá mércores, 7 de febreiro, ás 12.00 horas españolas, no salón de plenos do edificio da Cámara Municipal de Valença, terá lugar a presentación do Calendario Deportivo da Eurocidade 2024, que contará con 14 eventos deportivos, organizados por diferentes asociacións deportivas de Tui e Valença, así como por empresas especializadas.

O próximo luns comezarán na Avenida de Portugal as obras para execución da nova rede separativa de pluviais e renovación de servizos existentes por parte do Consorcio de Augas do Louro.

A corporación municipal de Tui reunirase mañá xoves, 1 de febreiro, ás 19 h en sesión plenaria extraordinaria, nº2/2024, con oito puntos na orde do día.

A) Parte resolutiva:

1º. Aprobación, se procede, do borrador das actas das sesións anteriores: Sesión ordinaria nº 13 do 30/11/2023 e sesión extraordinaria nº 1/2024 do 23/01/2024. 

Establecer a prioridade peonil, mellorando a calidade xeral, e garantindo a accesibilidade universal serán os obxectivos dos proxectos que se van redactar na Avenida da Concordia e en Areas. Para a súa redacción o Concello de Tui recibirá unha subvención de 48.460,50 euros da Deputación de Pontevedra coma concello pertencente á Rede Ágora dentro da convocatoria para a redacción de proxectos de recuperación de espazos públicos e creación de sendas peonís e/ou ciclables.

O Plan de dinamización da área de rexeneración urbana de interese autonómico, Área Rexurbe, de Tui vén de ser aprobado polo Consello da Xunta de Galicia onte xoves, 25 de xaneiro. Trátase  dun instrumento de planificación plurianual no que se integran actuacións a nivel arquitectónico e urbanístico, dirixidas  a fomentar as políticas de rehabilitación e a mellora dos espazos e equipamentos públicos, e outras que buscan unha reactivación económica, demográfica e social do dito ámbito.

Contraproduccións, Rilo e Penadique, Roi Borrallas, Gramola Gominola e Con de tres pés actuarán no Teatro Municipal de Tui nos meses de febreiro e marzo. As funcións terán lugar cada venres e inclúen tamén a proxección de “O corno” de Jaione Camborda.

Esta nova programación está  formada por un total de seis espectáculo dirixidos tanto a público adulto coma familiar. As entradas están xa á venda a través de tui.gal e poderán adquirirse até 10 minutos antes do inicio da cada función.

O alcalde de Tui, Enrique Cabaleiro, e a concelleira de Turismo, Ana María Núñez, teñen realizado no marco da Feira Internacional de Turismo, FITUR),que se desenvolve nestas xornadas en Madrid, diversos encontros para a promoción do legado patrimonial xudeu na nosa cidade a través da Red de Juderías – Caminos de Sefarad no seu stand nesta feira.

A corporación municipal de Tui celebra mañá martes, 23 de xaneiro, ás 9 h pleno de carácter extraordinario, será a sesión 1/2024, cun punto único. 

Será a designación, mediante sorteo, das persoas que integrarán as mesas electorais correspondentes ás eleccións autonómicas convocadas para o vindeiro 18 de febreiro de 2024

Un total de 27 embarcacións, de 4x e 8+, de 14 clubs galegos e portugueses participarán este sábado na XLIII Regata Miño Internacional. A proba está organizada polo Club Remo do Miño, en colaboración co Concello de Tui, co Deporte Galego da Xunta de Galicia, coa Deputación de Pontevedra e coa Federación Galega de Remo.