Rematado o prazo de presentación de alegacións as puntuacións provisionais do proceso para nomeamento interino do Técnico de Xestión, sen que se presentase algunha, o concelleiro delegado de persoal ditou no día de hoxe resolución de requerimento de documentación necesaria para levar a cabo o nomeamento interino.

A estes efectos o aspirante dispón de 5 días hábiles para a presentación da documentación, prazo que remata o 27/01/2021.

Do 19 ao 21 de xaneiro vaise celebrar o II Foro de Emprego Emprega Tui. Está organizado polo Programa Integrado de Emprego do Concello de Tui en colaboración con distintas entidades e empresas.

Realizarase cun dobre obxectivo de achegar coñecemento e recursos sobre o mercado laboral ás persoas que están na procura de emprego e de achegar man de obra cualificada e formada ás empresas que procuran persoal.

O II Foro de Emprego “EMPREGA TUI” amplía nesta segunda edición o seu programa triplicando o calendario de actividades previstas con respecto á primeira edición.

Resultados do cuarto exame e da valoración de méritos do proceso selectivo  de técnico de xestión realizado o día 12/01/2021, os aspirantes dispoñen de tres días hábiles para presentar alegacións ao mesmo e a valoración de méritos.

 Prazo que remato o 18/01/2021

Até o luns 25 de xaneiro está aberto prazo de inscrición no programa IniciaTIC de apoio e impulso á dixitalización para mellorar a competitividade de persoas autónomas, emprendedoras, pemes e axentes promotores da economía social. Está impulsado pola Fundación Cibervoluntarios e conta neste caso co apoio do Concello de Tui.

Resultados do terceriro exame de técnico de xestión realizado o día 15/12/2020, os aspirantes dispoñen de tres días hábiles para presentar alegacións ao mesmo.

O tribunal asemade convoca a aspirante Pilar  Díaz-Pavón Sánchez Tembleque a realización da proba de coñecemento do idioma o vindeiro martes día 12/01/2021 as 11:00 horas na casa do Concello sita en Praza do Concello nº 1, 36700 Tui.

Dende a Oficina do Servizo Público de Emprego de Tui informan que a partir do 1 de xaneiro de 2021 a renovación da demanda de emprego NON se realizará de xeito automático e será obrigatorio facelo dalgún dos seguintes modos:

Resultados do segundo exame de técnico de xestión realizado o día 02-12-2020, os aspirantes dispoñen de tres días hábiles para presentar alegacións ao mesmo.

O tribunal asemade convoca aos aspirantes que superaron esta segunda proba a realización da terceiro o vindeiro martes día 15/12/2020 as 09:00 horas na casa do Concello sita en Praza do Concello nº 1, 36700 Tui.

Anuncio de chamamento dos dous seguintes da lista para nomeamento interino nos departamentos de secretaria e urbanismo do Concello de Tui, os aspirantes dispoñen de dous días hábiles para presentar aceptación ou renuncia aos ofrecementos. Prazo que finaliza o venres día 04/12/2020

Finalizado o periodo de alegacións, hoxe reuniuse o tribunal para a resolución das mesmas, debido a que segundo o indicado no artigo 9 das bases de selección, debe transcorrer como mínimo un prazo de 48 hora dende a total terminación dun exercicio ou proba ata o comezo da seguinte; considera o tribunal que o remate do primeiro exercicio se produce coa resolución das alegacións presentadas e a asignación das puntuacións definitivas, polo que o exame convocado para o vindeiro luns día 30/11/2020 debe suspenderse debido a que non se cumpre a premisa arriba indicada.

Hoxe realizouse o primeiro exame do proceso selectivo para o nomeamento interino dun Técnico de Xestión e formación de lista de reserva. As puntuacións son as que figuran no certificado da acta.

Os aspirantes dispoñen de 3 días hábiles para presentar alegacións contra as puntuacións provisionais. Asemade o tribunal convoca aos aspirantes que superaron este primeiro exercicio a realización do segundo exercicio da fase de oposición que se celebrará o vindeiro luns día 30/11/2020 as 09:00 horas na aula CEMIT, da Área panóramica sita na rúa Colón nº 2 36700 Tui.