O próximo luns 15 de xuño comezará a impartirse en Tui un curso gratuíto de Camareiro/a de restaurante-bar promovido polo Concello de Tui, a través da Concellería de Emprego e Formación, para dar resposta á demanda de persoal no sector da hostalería ante o inicio da temporada estival. 

Esta acción formativa ten por obxectivo mellorar a empregabilidade das persoas desempregadas ou en busca dun cambio laboral residentes no municipio de Tui, e ao tempo satisfacer a demanda de persoal cualificado por parte do sector. 

Tui impulsa un novo obradoiro dual de emprego para avanzar na senda do Miño e formar a 20 persoas en sectores con alta demanda. O Concello de Tui vén de recibir, con data 17 de abril de 2026, a resolución favorable do Departamento Territorial da Consellería de Emprego, Comercio e Emigración de Pontevedra (Vigo) pola que se concede a realización do obradoiro dual de emprego “SENDA RÍO MIÑO: TRAMO SAN MARTIÑO”.

O Concello de Tui, solicitou subvención á Deputación de Pontevedra, dentro da liña 3 do Plan Máis Provincia 2026, para a contratación de 6 persoas. Unha vez a subvención sexa concedida, realizaranse os procesos de selección.

As prazas que se ofertaran serán:

• 1 Enxeñeiro técnico forestal (código 24251011),  , contrato 7,5 meses.
• 2 Peóns de horticultura e xardinería (código 9512 1019), contrato 6,5 meses
• 2 Operarios de limpeza (código 94411010), contrato 4 meses
• 1 Operario soldador/cerralleiro (código 7312 1051), contrato 8,5 meses.

Dezaseis persoas véñense de incorpora a distintos servizos municipais tras ser contratadas polo Concello de Tui o abeiro da liña 3  do Plan + Provincia 2025 da Deputación de Pontevedra.

En concreto foron contratados 14 peóns de horticultura, un oficial segunda fontaneiro e un operario soldador-cerralleiro de estruturas metálicas lixeiras.

A financiación dos contratos realízase a través da subvención da liña 3 do Plan + Provincia, cun importe para este ano 2025 de 222.200,16€, e cunha achega municipal de 5.348,97€.

A Aula CEMIT de Tui acollerá o martes, 30 de setembro, dous obradoiros  de competencias dixitais dentro do Programa Formación Dixital. Cada un deles terá unha hora de duración. O primeiro será “Competencias dixitais. A clave para o emprego” e o segundo “Maiores conectados”.

O vindeiro xoves 6 de marzo comezará en Tui unha nova formación en Competencias Dixitais, dirixida á poboación desempregada do municipio. O curso, de carácter gratuíto, desenvolverase no Centro Municipal de Formación en Guillarei, en horario de 9 a 14 h.

O programa inclúe un total de cinco cursos de 40 horas cada un, nos que se abordarán diferentes áreas do Marco Galego de Competencias Dixitais. Ademais, contarase cun módulo transversal de igualdade e unha sesión de orientación laboral, reforzando así a formación integral das persoas participantes.

O desemprego no Concello de Tui experimentou unha notable diminución nos últimos anos, pasando do 30,81% en 2013 ao 11,99% en decembro de 2024. En decembro de 2024 eran 945 as persoas que estaban en situación de desemprego en Tui, o que supón unha mellora respecto ás 1.041 rexistradas en 2023 e ás 1.303 de 2020.

O Concello de Tui  foi beneficiario dunha subvención por parte do Ministerio de Educación, Formación Profesional e Deportes no marco do Plan de Recuperación, Transformación e Resiliencia, financiado pola Unión Europea a través do Next Generation EU. Grazas a esta axuda, foi posible a creación dun Centro de Capacitación Dixital no municipio, fomentando a inclusión dixital e facilitando novas oportunidades de formación tecnolóxica para a veciñanza, garantindo que ningún tudense quede atrás no proceso de transformación dixital.

Percorrer a senda fluvial entre a praia de Areeiros en Guillarei e O Penedo en Caldelas é posible grazas ao traballo realizado ao longo do último ano polo Obradoiro de Emprego que hoxe foi clausurado en Tui. 

O próximo luns, 9 de decembro, ás 11 h, na Sala Félix Rodríguez, no edificio Francisco Sánchez, terá lugar a clausura do Obradoiro de Emprego Senda Río Miño: Areeiros-Penedo

O acto contará coa presenza do alcalde de Tui, Enrique Cabaleiro, da concelleira de Formación e Emprego, Ana Mª Núñez, do xefe Territorial da Consellería de Emprego, Comercio e Emigración en Pontevedra, José Antonio Rodriguez Fachado, e do delegado Territorial da Xunta de Galicia en Pontevedra, Agustín Reguera Ocampo.