Logo do parón pola pandemia, Tui volverá a contar coa súa anual Gala do Deporte que permitirá homenaxear e recoñecer o labor de clubs, institucións e deportistas destacados da cidade. O evento, que terá lugar mañá venres ás 20.30h no Teatro Municipal de Tui, será se cabe aínda máis especial xa que esta gala será a décima edición.

Neste caso, farase un recoñecemento aos premiados deste ano 2022 e tamén do 2021 e 2020 co serán preto dun centenar as persoas as galardoadas.

Mañá xoves 1, ás 12.00 horas, na casa do Concello de Tui, terá lugar a presentación do Campionato Galego de Seleccións Comarcais de fútbol sala, organizado pola Real Federación Galega de Fútbol, en colaboración co Concello de Tui e o club A Quinta de Tui Futsal. Celebrarase durante toda a xornada do martes 6 de decembro, nas instalacións deportivas do Pavillón Deportivo Municipal Gustavo Rodríguez, no Pavillón Municipal Vello, e no Pavillón Deportivo do IES San Paio. Participarán máis de 250 xogadores e xogadoras das categorías benxamín, alevín e infantil.

Mañá mércores, 30 de novembro, ás 11.00 horas, na casa do Concello de Tui, terá lugar a presentación da 1ª San Silvestre de Tui “Correr e Andar” a beneficio da Asociación Española contra o Cancro, organizada polo Concello de Tui e o Club Atletismo Tui, en colaboración co Protección Civil de Tui, a Policía Local de Tui, Radio Municipal de Tui e diferentes empresas patrocinadoras. Celebrarase  o sábado 31 de decembro, a partir das 10.30 horas, dende o Paseo da Corredoira de Tui.

A sexta edición da Urban Trail Night Eurocidade baterá mañá record de participación con máis de 420 persoas inscritas. A madriña da proba será a triatleta Aida Valiño que tamén participará na mesma.

Mañá martes, 22 de novembro, ás 11.00 horas españolas, no Centro Interfederado de Remo e Piragüismo de Tui, terá lugar a presentación da VI Urban Trail Night Eurocidade, carreira nocturna organizada polas empresas Noko360 e Sra. Emilia, en colaboración coa Eurocidade Tui-Valença. A Urban Trail Night eurocidade celebrarase este sábado, 26 de novembro, a partir das 20.30 horas, con saída dende Valença e chegada ao Paseo da Corredoira de Tui.

Hoxe saen publicadas no Boletín Oficial da Provincia, BOPPO, as bases reguladoras para a concesión das bolsas aos deportistas tudenses que participaron neste ano 2022 en competicións federadas de ámbito internacional.

A semana pasada remataron os traballos de mantemento do pavillón deportivo municipal vello de Tui nos que o Concello de Tui.  

Con esta actuación a concellería de Deportes do Concello de Tui continúa co obxectivo marcado ao inicio deste mandato de “poñer as instalacións deportivas municipais á altura dos deportistas e clubs deportivos que as utilizan” tal e coma sinalada o concelleiro Rafael Estévez. 

A colocación do rotulado do nome da instalación culminou a semana pasada estes labores, nos que tamén se procedeu ao pintado exterior durante os meses de setembro e outubro.

Mañá mércores, 26 de outubro, ás 12.30 horas, na sala de concelleiros da casa do concello de Tui, terá lugar a presentación do Cross Escolar do Baixo Miño, organizado pola Agrupación Deportiva do Baixo Miño (AGRUDEBAM), en colaboración co servizo de Deportes da Secretaría Xeral para o Deporte da Xunta de Galicia, co Concello de Tui e coa Agrupación de Voluntarios de Protección Civil de Tui. Aínda que estaba previsto para esta semana, debido ás previsións de choiva, adíase para o xoves 3 e venres 4 de novembro, en horario lectivo, na ribeira de Caldelas de Tui.

A Selección Española de balonmán xuvenil escolleu Tui para continuar a súa preparación de cara ao Campionato do Mundo do próximo ano. O verán de adestramentos, partidos e torneos foi intenso para os rapaces liderados por Javier Fernández que veñen de acadar o Europeo de balonmán en Montenegro.

Semana de múltiples condecoracións a tudenses.  Por unha banda catro axentes da policía local de Tui recibiron hoxe a Medalla ao Mérito Policial de Galicia pola súa actuación na explosión de material pirotécnico rexistrada 23 de maio de 2018 no barrio da Torre, en Paramos. 
Nun acto celebrado na sede da Academia Galega de Seguridade na Estrada, a Xunta premiou o labor policial do actual inspector xefe, Manuel Arca, do anterior no cargo, José Ramírez, e tamén dos axentes David González e Avelino Martínez.