48 nenos e nenas participaron nos campamentos de Nadal que o concello de Tui ofertou coincidindo coas vacacións escolares. Así, tanto o campamento rural na granxa escola Corazón de Carballo en Tomiño como o urbano no pavillón Gustavo Rodríguez de Tui, tiveron lugar do venres 23 ao venres 30 do mes de decembro.

O campamento rural desenvolveuse na granxa escola Corazón de Carballo, en Tomiño, nun horario de 8:30 a 16:30. Alí, os 16 nenos e nenas participantes aprenderon rodeados dunha contorna natural con diferentes actividades e xogos.

A continuación pode consultarse a listaxe definitiva de persoas admitidas e excluídas no campamento de nadal 2022

 Listaxe definitiva de persoas admitidas e excluídas no campamento de nadal 2022

Publícase a listaxe de requirimentos de solicitantes de participación nos campamentos de Nadal organizados polo Concello de tui. 

O prazo de subsanación finaliza o próximo lunes 19 de decembro e o martes 20 publicarase a a listaxe definitiva.

 Listaxe de requirimentos de documentación para os campamentos de Nadal Tui 2022

Este Nadal, coincidindo coas vacacións escolares, o Concello de Tui oferta dous campamentos de Nadal, un rural que se desenvolverá na Granxa Escola Corazón de Carballo e outro urbano, que se realizará no pavillón Gustavo Rodríguez e noutros ámbitos do municipio. Ambos terán carácter gratuíto. 

A Sala Félix Rodríguez do edificio Francisco Sánchez acolle este sábado, 3 de decembro, dende ás 10 h as II Xornadas Técnicas de Igualdade e Comunicación. Esta actividade forma parte do programa organizado dende o concello de Tui con motivo do 25N, Día Internacional para a Eliminación da Violencia de Xénero, e do programa Maruxa Mallo.

O anexo da Sala Municipal de Exposicións, no edificio Francisco Sánchez, acolle hoxe martes, 29 de novembro, ás 19:00 h a conferencia “As violencias sexuais, do #MeToo ao só si é si”. Correrá a cargo de Laura Seara,  avogada, deputada e exsecretaria de estado de Igualdade.

Esta actividade forma parte do programa organizado polo Concello de Tui, a través da concellería de Igualdade, con motivo do 25N, o Día Internacional para a Eliminación da Violencia contra a Muller. 

O edificio dos antigos xulgados na praza da Inmaculada acolleu esta tarde o acto conmemorativo do #25.

Cun peza chea de simbolismo "Desalento" a actriz e dramaturga Mónica Sueiro foi a encargada de abrir a actividade.

A continuación Belén Romero, profesora e coordinadora da Biblioteca do IES San Paio, deu lectura a unha carta que da voz  a todas aquelas mulleres que non son quen de berrar o que lles pasou ou o que lles está a pasar.

Mañá venres, 25 de novembro, ás 19 h terá lugar no interior do edificio dos antigos xulgados, na praza da Inmaculada, o acto conmemorativo do 25N, o Día Internacional para a Eliminación da Violencia contra a Muller.  Este é o acto central do programa elaborado pola concellería de Igualdade centrado este ano na educación. No mesmo romperanse as barreiras da comunicación xa que se contará cunha persoa intérprete de lingua de signos grazas á colaboración establecida con FAXPG, Federación de Asociacións de Persoas Xordas de Galicia.

Dar a coñecer os recursos a dispor das posibles vítimas e da sociedade ante un caso de violencia machista é o obxectivo da mesa redonda que se vai celebrar martes, 22 de novembro, ás 19 h na sala prensa, no primeiro andar do edificio Francisco Sánchez dentro do programa de actos do 25N.  Baixo o título de “A violencia de xénero. Prevención, atención e protección” na mesma abordarase a atención e asesoramento multidisciplinar ás vítimas, os protocolos de protección e os recursos públicos.

Mañá martes, 22 de novembro, ás 11.00 horas españolas, no Centro Interfederado de Remo e Piragüismo de Tui, terá lugar a presentación da VI Urban Trail Night Eurocidade, carreira nocturna organizada polas empresas Noko360 e Sra. Emilia, en colaboración coa Eurocidade Tui-Valença. A Urban Trail Night eurocidade celebrarase este sábado, 26 de novembro, a partir das 20.30 horas, con saída dende Valença e chegada ao Paseo da Corredoira de Tui.