Este “Espazo para a Igualdade” nace co obxectivo de achegar información e recursos actualizados permanentemente en materia de igualdade e feminismo.
Deste xeito dase cumprimento á medida 1.4 do III Plan Municipal de Igualdade que recolle “difundir os programas, servizos e recursos municipais sobre información, asesoramento e asistencia a mulleres”.
Dando voz aos nenos e nenas para coñecer a súa mirada sobre un tema tan importante coma a violencia de xénero, no pleno infantil celebrado onte venres, comezou o programa de actividades organizado polo Concello de Tui con motivo do 25 de novembro, o Día Internacional para a erradicación da Violencia Contra a Muller.
Sheila, Xoán, Elisa, Gabriel, Mara, Lorena, Carlos, Eva, Mara, Diego, David, Elena, Javier,.. foron parte dos nenos e nenas que esta mañá protagonizaron o primeiro pleno infantil celebrado no Concello de Tui coincidindo coa conmemoración este domingo, 20 de novembro, do Día Mundial dos Dereitos da Infancia. Unha sesión plenaria especial coa que amais o Concello de Tui abre un proceso de participación infantil e adolescente que hoxe neste pleno foi tamén refrendado por unanimidade.
Dar voz ás preocupacións, inquedanzas e propostas da poboación máis nova do municipio, nenos, nenas e adolescentes, é o obxectivo do proceso de dinamización da participación infantil que vén de pór en marcha o Concello de Tui. A medio prazo buscarase poder chegar á declaración de Tui coma cidade amiga da infancia pola UNICEF.
O próximo 15 de novembro o club de lectura Tempo de Mulleres retoma a súa actividade impulsado pola concellería de Igualdade en colaboración coa Biblioteca Municipal e dinamizado pola escritora tudense Conchi Regueiro.
Esta iniciativa vai dirixida a mulleres, ofertándose un máximo de 15 prazas. As persoas interesadas deben inscribirse no correo electrónico biblioteca@tui.gal ou no teléfono 617 498 103.
O Centro Municipal de Formación do Concello de Tui en Guillarei acollerá do 1 de setembro ao 11 de outubro tres cursos do programa GALEGAS DIXITAIS que ten como finalidade a formación para a dixitalización de mulleres desempregadas, organizado por beProject Consultores e Ara Formación e no que colabora o Concello de Tui.
As mulleres que realicen esta formación, con carácter gratuíto, recibirán ao remate título oficial acreditativo.
Feminino Plural, é un programa innovador, integral e intensivo para o impulso das mulleres. Estrutúrase entorno a 4 eixos:: a formación, a atención xurídica, a atención psicolóxica e o asesoramento para o emprego, intermediación e prospección laboral. Ao longo dos próximos meses traballará de xeito transversal nestas áreas para acadar a plena autonomía das mulleres tudenses.
O Concello de Tui vén de pór en marcha Feminino Plural, un programa innovador, integral e intensivo para o impulso das mulleres. Esta semana tivo lugar, na Aula da UNED, a presentación do mesmo por parte da concelleira de Igualdade, Ana Mª Núñez, e das técnicas que conforma o equipo multidisciplinar desta acción.
O Concello de Tui presentará o próximo martes, 26 de xullo, o innovador programa Feminino Plural. Desenvolverase ao longo deste mes de xullo, agosto e setembro co obxectivo de impulsar a promoción da igualdade e previr a violencia de xénero.
Hoxe xoves e mañá venres prosegue a programación “Tui con orgullo” organizada polo concello de Tui a través da concellería de Igualdade con motivo do Día do Orgullo que tivo lugar o pasado 28 de xuño.
O 28 de xuño é o Día Internacional do Orgullo LGTBI en conmemoración das revoltas que tiveron lugar en Nova Iork no ano 1969, cando un grupo formado por persoas do colectivo LGTBI se revelou contra a súa detención no bar Stonewall Inn.
En España esta data instaurouse como Día Nacional no ano 2018, nun dos primeiros Consellos de Ministros do Goberno de Pedro Sánchez, co obxectivo de recoñecer a loita das persoas LGTBI así como o labor dos colectivos.
