Este “Espazo para a Igualdade” nace co obxectivo de achegar información e recursos actualizados permanentemente en materia de igualdade e feminismo.
Deste xeito dase cumprimento á medida 1.4 do III Plan Municipal de Igualdade que recolle “difundir os programas, servizos e recursos municipais sobre información, asesoramento e asistencia a mulleres”.
. Con catro novas actividades prosegue a programación “Dereito a estar, dereito a achegar” organizada polo Concello de Tui, a través da concellería de Igualdade, con motivo do Día Internacional da Muller.
“Mulleres Conectadas” é o título do primeira xornada de negocios que se vai celebrar o martes, 29 de marzo, na Aula da UNED de Tui. Está organizado polo Concello de Tui, a través da concellería de igualdade, dentro programación do Día Internacional da Muller. Trátase dun networking dirixido a mulleres empresarias, emprendedoras e directiva.
Catro novas actividades teñen lugar esta semana dentro do programa “Dereito a estar, dereito a achegar” organizada polo Concello de Tui, a través da concellería de Igualdade, con motivo do Día Internacional da Muller.
1. - Roteiros
1.1. Camiñando con elas ( Roteiro Ilustrado Camiñando con elas pdf)
Tui reivindicou hoxe unha igualdade real e efectiva entre homes e mulleres no acto conmemorativo do Día Internacional da Muller. O edificio dos antigos xulgados, acolleu este evento, que abriu Marta Quintana interpretando “Setestrelo” de Guadi Galego á arpa.
O Concello de Tui conmemora mañá o Día Internacional da Muller, 8M, coa lectura do manifesto institucional e a presentación do roteiro “Camiñando con elas”. O lema deste ano é “Dereito a estar, dereito a achegar”.
O Concello de Tui ten en marcha un amplo programa de actividades para conmemorar o Día Internacional da Muller, 8M. Unha programación especial que se suma á realizada ao longo do ano con actividades de xeito transversal con perspectiva de xénero coma se reflicte no III Plan de Igualdade de Oportunidades entre homes e mulleres.
“Estrelas” é o nome da experiencia de escapismo feminista que se celebrará en Tui o vindeiro domingo 13 de marzo, ás 11 h dende a Praza de San Fernando.
Esta actividade, organizada pola Concellería de Igualdade coa colaboración da Concellería de Deportes do Concello de Tui, forma parte do programa organizado entorno ao 8M, Día Internacional das Mulleres.
Mañá venres, 4 de marzo, ás 11 h na sala de concelleiros da casa do concello de Tui terá lugar a presentación do programa de actividades organizado polo Concello de Tui con motivo do 8M, Día Internacional da Muller.
A presentación correrá a cargo do alcalde de Tui, Enrique Cabaleiro, e da concelleira de Muller e Igualdade, Ana Núñez, xunto a representantes do tecido asociativo feminino do municipio.
“Xuntas aprendemos” é o título das actividades que se van desenvolver os xoves do mes de marzo na Aula da UNED de Tui organizadas pola concellería de Igualdade do Concello de Tui dentro dun proxecto colaborativo coa aula universitaria tudense. Esta actividade forma parte do programa previsto para conmemorar o 8 de marzo, o Día Internacional da Muller.
