Este “Espazo para a Igualdade” nace co obxectivo de achegar información e recursos actualizados permanentemente en materia de igualdade e feminismo.
Deste xeito dase cumprimento á medida 1.4 do III Plan Municipal de Igualdade que recolle “difundir os programas, servizos e recursos municipais sobre información, asesoramento e asistencia a mulleres”.
Vense de aprobar a listaxe definitiva de persoas admitidas, reservas e excluídos/as no Campamento de Verán de Aventuras.
Cada participante deberá solicitar o mércores 26 e xoves 27 de xuño, a carta de pago da cota de inscrición das quendas solicitadas:
Vense de publicar a Listaxe de requirimentos de documentación Campamento de Verán de Aventuras.
Sinálase un prazo de tres días naturais contados a partir do seguinte da súa publicación para emendar a falta ou achegar os documentos preceptivos, coa advertencia de que, de non facelo, considerarase que desistiu da súa solicitude.
Vense de publicar a Listaxe de persoas admitidas no Campamento Tecnolóxico 2024.
Cada participante deberá solicitar os días 21 e 24 de xuño, a carta de pago da cota de inscrición das quendas solicitadas:
O Concello de Tui amplía a oferta de campamentos para este verán na cidade coa organización de dúas novas iniciativas coas que facilitar a conciliación da vida laboral e familiar durante as vacacións escolares de verán. As persoas interesadas poden presentar a solicitude de praza dende hoxe mesmo e até o próximo martes 18. Estes campamentos ofrecerán actividades educativas e recreativas que non só divertirán aos máis pequenos, senón que tamén promoverán o seu desenvolvemento persoal e tecnolóxico. Ambos contan co financiamento do Plan Corresponsables.
Vense de publicar a listaxe de persoas admitidas, reservas e excluídas por quendas para o Campamento de Verán Igual É + 2024.
Cada participante deberá solicitar (ata as 14.00 horas do día 12/06/2024) a carta de pago da cota de inscrición das quendas solicitadas:
Ultímanse os detalles para “Orgullo e punto” a xornada que terá lugar este sábado, 1 de xuño, dende ás 10.30 h, na Alameda de San Domingos de Tui que estará chea de creatividade, diversidade, inclusión… e que vai dirixida a toda a familia. A organización corresponde ao Concello de Tui e TejeTui
Tui prepara un amplo programa de actividades dirixidas a toda a familia para conmemorar o Día Internacional de Tecer en Público e o mes do Orgullo. Será o próximo sábado, 1 de xuño, nos xardíns da Alameda de San Domingos.
Baixo o nome de “Orgullo e punto” desenvolverase unha xornada inclusiva e teceril organizada polo Concello de Tui e TejeTui. Promóvese así a convivencia e a corresponsabilidade nun evento diverso e igualitario para todas as persoas.
Do 29 de abril ao 10 de maio, o Concello de Tui terá aberto o prazo de inscrición para participar no Campamento de Verán “Igual é +” Tui 2024, que se celebrará en catro quendas, nos meses de xullo e agosto.
Mañá xoves, 21 de marzo, ás 19.30 h, na Sala Félix Rodríguez, haberá un encontro coa escritora Inma López, no que presentará o seu libro “Escola de Mulleres”. Este acto pecha a programación do 8M, Día Internacional da Muller, deste 2024.
Exitoso balance do networking “Mulleres Conectadas” celebrado o pasado venres na aula da UNED de Tui no que participaron preto de 70 mulleres de Galicia e Portugal. Esta actividade formou parte da programación do 8M, Día Internacional da Muller, ampliando este ano o seu ámbito á Eurocidade Tui-Valença.
Foi unha mañá de aprendizaxe e coñecemento a través de encontros, de intercambio de experiencias, de iniciativas postas en común e de historias doutras mulleres cuxos proxectos de vida ou empresariais serviron de inspiración para as asistentes.
