Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Unha viaxe polos sentimentos máis profundos do ser humano será a que ofrecerá o concerto El mal de l’Amor este venres ás 21 h no Teatro Municipal de Tui. O músico e investigador tudense Samuel Diz e o tenor e investigador arxentino Jonatan Alvarado presentarán o seu novo disco no que se recolle repertorio inédito de Gustavo Durán.
A forza, o corido, a animación, e a ironía do Entroido tomarán as rúas de Tui o próximo martes, 17 de febreiro, Martes de Entroido, festivo local en Tui.
Será coa celebración do XXXVII Desfile Concurso no que participarán 935 persoas pertencentes a 12 comparsas que levaran en conxunto 18 de carrozas, facendo gala no seu percorrido polas rúas tudense do espírito do Entroido.
A Eurocidade Tui-Valença celebrou o seu 14º aniversario cun concerto conmemorativo, onde a música puxo de manifesto a identidade cultural compartida. Un acto no que se reivindicaron os valores europeos que definen a esta Eurocidade, como a fraternidade entre os pobos e a aspiración a un mundo máis xusto e igualitario, “sen fronteiras”.
O alcalde de Tui, Enrique Cabaleiro, fixo balance destes 14 anos e incidiu nos “moitos séculos de historia e de identidade compartida entre Galicia e Portugal, e máis especificamente entre Tui e Valença”.
O Teatro Municipal de Tui inaugura este venres 6, ás 19 h, a súa programación de febreiro cun concerto familiar, de rock and roll en galego, coa Banda dos insectos.
Este espectáculo busca familiarizar aos máis pequenos e pequenas da casa cos valores cooperativos e o deporte. Todo a través das divertidas cancións da Banda dos Insectos, onde fala de compañeirismo, respecto, igualdade e solidariedade. Un concerto cheo de ritmo e diversión para toda a familia.
O Teatro Municipal de Tui acollerá o próximo sábado, 7 de febreiro, ás 20 h ES o concerto conmemorativo do 14º Aniversario da Eurocidade Tui-Valença. A música, coma linguaxe universal e un dos símbolos de unión da das dúas cidades, será un punto de encontro.
O cambio no percorrido é unha das principais novidades do Concurso-Desfile de Entroido en Tui que se vai celebrar o martes, 17 de febreiro, ás 17 h en Tui. Hoxe mércores 28 de xaneiro publícanse no Boletín Oficial da Provincia de Pontevedra (BOPPO) as bases reguladoras e a convocatoria deste evento.
“A gran catedral de Tui nos séculos do barroco ( ss. XVII-XVIII)” é o título da conferencia que o catedrático Miguel Taín Guzmán ofrecerá este xoves, 29 de xaneiro, ás 19.30 h no Espazo Sociocultural da rúa Camilo José Cela.
Esta actividade forma parte do programa organizado polo Concello de Tui para conmemorar os 800 anos da consagración da catedral tudense.
O Concello de Tui presenta a programación do Teatro Municipal de Tui para o mes de febreiro cunha oferta cultural variada que combina música, danza e teatro, dirixida a todos os públicos e cun especial protagonismo para os artistas locais.
Mañá xoves ás 18.30 h preséntase na Sala Félix Rodríguez “La familia de las curanderas”, de Marisa Castro, novo título da colección de Literatura Accesible de Hércules.
O acto contará coa participación de Marisa Castro, autora; Cristina Sola e Ana Belén Luis, adaptadoras do Laboratorio de Linguaxe Accesible; e Jesús Meiriño, tradutor da obra ao galego, da Universidade de Vigo
Esta adaptación da novela de Marisa Castro é o segundo título da colección de “Literatura accesible” de Hércules Ediciones, tras a publicación de Palabras de pedra en 2024.
Mañá xoves, 22 de xaneiro, ás 12.00 h no Centro Sefarad-Israel en Madrid será inaugurada a mostra “Os sambenitos da catedral de Tui: historia, memoria e infamia” por parte do alcalde de Tui, Enrique Cabaleiro González, e o director Xeral do Centro Sefarad-Isarel, José Thomas Lozano.
