Do venres 16 ao domingo 18 deste mes celebrarase en Tui a convención TuidCon HispaCon que achegará á cidade o mundo da fantasía, ciencia ficción, terror e literatura Haberá máis de 40 actividades con presentacións de libros, charlas, feira editorial, premios, cómic, e xogos de rol, entre outras propostas.

A praza da Inmaculada, ou en caso de choiva o interior do edificio dos antigos xulgados, será o lugar onde se realicen catro xogos de rol previstos.

A Biblioteca municipal de Tui acolle o próximo martes, 6 de outubro, ás 17.30 h un obradoiro titulado “Debuxar as letras” a cargo da ilustradora Alba Farto, co que comezan as actividades do “Mes da Biblioteca” dirixidas á cativada.

O Teatro Municipal de Tui inicia programación de Outono co aforo completo no primeiro espectáculo. Vendidas todas as localidades dispoñibles para  “A Penúltima” de Carlos Blanco que mañá venres ás 21 h chega ao teatro tudense.

Serán 70 minutos de historias, de risas, e do paso do tempo sobre os que con humor reflexiona Carlos Blanco. 

En tui.gal están xa á venda as entradas para os outros seis espectáculos que terán lugar os venres de outubro e novembro neste espazo escénico.

Mañá venres, 2 de outubro, ás 19 h, o Espazo Sociocultural, da rúa Camilo José Cela, acolle a presentación do libro  "Estado de Conservación de los anfibios y reptiles continentales de Galicia". O tudense Fernando Martínez Freiría, profesor de Zooloxía da Universidade de Santiago de Compostela (USC), é editor e autor, xunto con outros seis herpetólogos galegos.

Dez actividades conforman a programación da Biblioteca Municipal de Tui para o mes de outubro baixo o título de “Outubro: Mes da Biblioteca”. Coa mesma conmemórase o Día das Bibliotecas, que se celebra o 24 de outubro.  

O outono comeza con música en Tui con dobre proposta esta fin de semana no Teatro Municipal. O Festival de Playbacks previsto para o venres e o concerto da Banda de Música Cultural de Salceda do sábado teñen entrada gratuíta.     

O venres, ás 20.30 h, celebrarase un Festival de Playbacks no que participarán os grupos infantís das asociacións A Insua de Caldelas, Lembranzas da Terra de Guillarei e Xuntanza de Randufe. Os máis pequenos e pequenas levarán ao escenario tudense as cancións e coreografías dos seus ídolos musicais. 

Carlos Blanco abrirá o próximo venres, 2 de outubro, a programación de Outono no Teatro Municipal de Tui.  O monólogo “A Penúltima” encabeza un cartel formado por sete espectáculos de teatro, danza, e monólogos con propostas para público familiar e adulto.

A literatura de xénero fantástico darase cita en Tui do 16 ao 18 de outubro coa celebración da 44ª edición da súa convención anula baixo o título de TuidCon.  Durante estes tres días celebraranse preto de 45 actividades. Contarase coa participación de destacados escritores coma Rosa Montero, Mafalda Santos ou Luis Filipe Silva, recente premio europeo de Ciencia Ficción.  A escritora tudense Conchi Regueiro presentará a súa nova obra.

O Espazo Sociocultural, da rúa Camilo José Cela, acolle este venres 18, ás 20 h, a presentación da primeira novela da tudense Aroa González, “Mundos paralelos”.

O Concello de Tui participa hoxe xoves e mañá venres na 70ª Asemblea Xeral da Red de Juderías de España-Caminos de Sefarad. Esta reunión que se celebra trimestral celebrarase en Melilla abordando aspectos clave e propostas e iniciativas futuras centradas na defensa e promoción do legado cultural e turístico sefardí.