Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
Este venres, 22 de marzo, ás 11.30 h no Paseo Fluvial presentarase a Festa do Meixón que se vai celebrar do 23 de marzo ao 8 de abril dentro da programación das Festas de San Telmo 2024.
A presentación correrá a cargo do alcalde, Enrique Cabaleiro, da concelleira de Comercio, Ana Núñez, e os representantes dos restaurantes participantes e da adega Sergio Álvarez.
A praza da Inmaculada acollerá o sábado 30 e o domingo 31 de marzo o III Encontro de Viños da Raia, que será unha das citas gastronómicas do programa das Festas de San Telmo 2024.
Este mediodía o alcalde, Enrique Cabaleiro e a concelleira de Comercio, Ana Núñez, xunto a Natalia Rodríguez da adega Corisca, Mar Domínguez da adega María Bargiela e Juan Xesteiro da Adega Xesteiro, presentaron esta terceira edición.
Mañá martes, 19 de marzo, ás 12 h, na casa do concello terá lugar a presentación do III Encontro de Viños da Raia que se vai celebrar o sábado 30 e o domingo 31 de marzo na praza da Inmaculada dentro da programación das Festas de San Telmo.
A presentación correrá a cargo do alcalde de Tui, Enrique Cabaleiro, da concelleira de Comercio, Ana Núñez, da concelleira de Cultura, Sonsoles Vicente, xunto a unha representación das adegas participantes.
Mañá venres, 15 de marzo, ás 11 h na sala de reunións da Casa do Concello de Tui presentarase a programación das Festas de San Telmo 2024, que se van celebrar do 30 de marzo ao 8 de abril.
O Concello de Tui vén de abrir unha consulta pública ante a elaboración dunha nova Ordenanza reguladora do Mercado Municipal de Abastos solicitando á poboación en xeral, aos praceiros e praceiras, e ás organizacións máis representativas que puideran estar afectadas polo documento o seu parecer sobre os problemas que se pretenden solucionar con esta iniciativa, a necesidade e oportunidade da súa aprobación, os obxectivos da norma, e as posibles solucións alternativas regulatorias e non regulatorias. Durante dez días, contados dende hoxe, as persoas interesadas poderán presentar por rexistro
Comprender os hábitos de compra dixitais das persoas que viven en Tui é o obxectivo dunha nova enquisa que vén de iniciar o Concello de Tui dentro do Programa de reforma e modernización do mercado municipal e a dixitalización do comercio local. Esta actuación está financiada por fondos europeos Next Generation, dentro do Plan de Recuperación, Transformación e Resiliencia.
Dentro da campaña de promoción do comercio e do mercado local de Tui que está en marcha durante o período de rebaixas e Entroido ponse en marcha o sorteo dunha experiencia en establecementos tudenses. Trátase dun bono para unha experiencia dunha cea para dúas persoas en Emma Gastrobar e unha estadía dunha noite na Torre do Xudeu con almorzo.
Coñecer o grao de dixitalización do comercio local é o obxectivo da enquisa que pon en marcha o Concello de Tui dirixida ao tecido comercial tudense. Esta acción forma parte do Plan de Acción para a Dixitalización do Comercio en Tui que esta en marcha financiado por fondos europeos Next Generation ao abeiro do Plan de Recuperación, Transformación e Resiliencia. Este Plan está integrado no proxecto de "Reforma e modernización do mercado municipal e dixitalización e revitalización do comercio local de Tui" que se está a executar.
“O teu mercado, a túa xente” e “O teu comercio, a túa xente” son os lemas da nova campaña de dinamización e promoción do mercado de abastos e comercio local posta en marcha polo Concello de Tui coincidindo coa celebración do Entroido e o período de Rebaixas.
O obxectivo é poñer en valor a contribución deste sector ao desenvolvemento da cidade e os valores de apoio á veciñanza e de orgullo polo propio.
Matilde y Rosana (Abalorios MYR), Cucapuntoes e Cucadas son os tres establecementos gañadores do Concurso de Escaparates de Nadal organizado polo Concello de Tui en colaboración con ACITUI, a Asociación de Comerciantes e Industriais de Tui. Recibirán 300€, 200€ e 100€ respectivamente. O obxectivo do certame era dinamizar o comercio de proximidade e impulsar a actividade comercial, convidando aos establecemento a preparar os seus escaparates con propostas orixinais e creativas sobre o Nadal e a súa vez animando á veciñanza e visitantes a realizar as súas compras no municipio.
