Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Os datos estatísticos da Oficina Municipal de Turismo do pasado mes de maio confirman a tendencia do progresivo incremento na afluencia de visitantes á nosa cidade ao longo do presente ano. En maio foron atendidos 3.013 visitantes o que supón un incremento do 37% con respecto ás 2.199 persoas atendidas hai un ano.
Mañá xoves, ás 18 h, terá lugar a inauguración da tenda efémera “Mercarte” na sala anexa da Oficina de Turismo no Paseo da Corredoira. Esta iniciativa, impulsada polo Concello de Tui a través da Concellería de Comercio, Emprego e Turismo, ten como obxectivo apoiar e impulsar o talento local, proporcionando un espazo no que as persoas emprendedoras e artesás poidan dar visibilidade e comercializar as súas creacións.
A Oficina Municipal de Turismo de Tui rexistrou durante o mes de abril un total de 2.999 visitantes, dos cales 1.144 foron peregrinos e 1.855 turistas, confirmando así un destacado crecemento respecto ao ano anterior, xa que este ano atendeu 1.093 persoas máis que no mesmo periodo do ano pasado.
As persoas que están a realizar o Camiño Portugués dende Caminha a Santiago organizado pola Eurocidade Tui-Valença completaron hoxe a segunda etapa deste percorrido pola vía xacobea.
Tras realizar onte os 19 quilómetros da etapa correspondente a Caminha – Vila Nova de Cerveira, esta mañá iniciaron o Camiño neste último municipio para achegarse ata Valença e Tui. A primeira hora desta tarde foron recibidos na praza de San Fernando polo alcalde de Tui, Enrique Cabaleiro, a concelleira de Turismo, Ana Núñez, e o vareador de Desporto de Valença, Arlindo Sousa..
O Concello de Tui renovou o distintivo de Calidade Turística SICTED, Sistema Integral de Calidade Turística Española en Destinos, para a súa Oficina de Turismo por un período de dous anos máis. Esta distinción certifica o compromiso do municipio coa mellora continua da atención ao visitante e coa calidade dos servizos turísticos.
Gran acollida á peregrinación especial impulsada pola Eurocidade Tui-Valença no marco das Xornadas Europeas do Camiño de Santiago, e que nos meses de maio e xuño percorrerá o trazado oficial portugués do Camiño Portugués da Costa, dende a cidade de Caminha ata Santiago de Compostela.
A poucos días de que comece esta actividade apenas quedas unhas prazas vacantes para as etapas do 24 e 25 de maio, e do 7 e 8 de xuño, e unha para realizar as oito de que consta o Camiño Completo.
Tui consolidouse esta Semana Santa coma un dos destinos clave neste período ao incrementar de xeito notable o crecemento tanto no número de peregrinos coma de visitantes. Así o reflicten os datos da Oficina Municipal de Turismo que atendeu 297 peregrinos e peregrinas, fronte aos 107 do ano pasado, o que supón un incremento do 177%. Destaca tamén o equilibrio entre peregrinos internacionais (146) e nacionais (151), o que evidencia o carácter global do fenómeno. Amais os datos reflicten o crecemento imparable da cidade como destino clave no Camiño Portugués da Costa.
O traxe tradicional de Tui é o protagonista da exposición que durante as festas de San Telmo se pode visitar na Oficina Municipal de Turismo, no céntrico Paseo da Corredoira.
Co seu inconfundible estilo entre o rock máis irreverente e a retranca galega Heredeiros da Crus ofrecerá este domingo, ás 19.30 h, un concerto no Espazo Feiral. Será un espectáculo cargado de enerxía, guitarras afiadas e letras cheas de humor e crítica social. Soarán dende os clásicos inesquecibles como Quero josar, Non che teño Medo, de Jalisia ao Estranxeiro… xunto aos temas do seus novo traballlo Trankimasin, do que inician a súa xira precisamente en Tui. Será un concerto para todas as xeracións.
A viticultura da raia ocupará un lugar destacado na primeira fin de semana das festas de San Telmo coa celebración do IV Encontro de Viños da Raia. Este evento tense consolidado en só tres edicións coma un espazo de encontro e colaboración entre pequenos produtores galegos e portugueses que elaboran os seus viños con mimo, respectando as castes autóctonas e apostando por técnicas que combinan tradición e innovación. Este evento celebrarase o sábado 19 e o domingo 20, na praza da Inmaculada, coincidindo co inicio das Festas de San Telmo 2025.
