Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Proseguen a celebrarse cunha boa acollida as visitas culturais gratuítas organizadas polos Concello de Tui. Esta semana chegan seis novas propostas cun percorrido diario, de martes a domingo, que sairá ás 19.15h dende a praza da Inmaculada conducido polo historiador tudense Suso Vila. Rúas, prazas, cárceres, o patrimonio xudeu... centran as visitas destas semana.
Dobre proposta é a que hai esta fin de semana dentro da programación das Visitas Culturais gratuítas, que organiza o Concello de Tui até finais de ano, guiadas polo historiador tudense Suso Vila.
Tui oferta 16 visitas guiadas temáticas durante os meses de novembro e decembro, continuando así os percorridos culturais gratuítos que se iniciaron no verán organizados polo Concello de Tui e nos que levan participado máis de 3 mil persoas.
A Eurocidade Tui-Valença acolle esta fin de semana unha reunión da Federación de Academias de Gastronomía dos Camiños de Santiago. A primeira cita do programa previsto terá lugar ás 16h no Parador Nacional de Turismo San Telmo de Tui cunha reunión para admitir coma membro da Federación á Academia de Gastronomía Portuguesa do Camiño de Santiago. Con esta incorporación pasan a ser unha federación de carácter internacional, tendo amais solicitudes de academias francesas e italianas.
O luns 30 e o martes 31 de outubro tudenses e visitantes poderán coñecer un pouco máis o patrimonio e a historia da cidade ligada á Inquisición coas dúas visitas guiadas temáticas programadas para estas dúas xornadas. Sairán os dous días ás 20.15h da praza da Inmaculada sendo guiadas polo historiador tudense Suso Vila. O percorrido, gratuíto, durará aproximadamente unha hora.
Luns 30 Visita guiada aos Sambenitos Inquisitoriais
O Descenso Internacional do Miño vén de ser declarado Festa de Interese Turístico Galego. Así o aprobou esta mañá o Consello da Xunta logo da solicitude realizada polo Concello de Tui, aprobada en pleno por unanimidade en marzo de 2016.
Este domingo, 29 de outubro, o Paseo da Corredoira de Tui acollerá a unha trintena de vehículos Volkswagen que realizarán o Camiño Portugués a Santiago organizado polo Vintage Volkswagen Club de Galicia.
Os vehículos chegarán ao Paseo da Corredoira ás 10.00 horas, onde estacionarán para realizar unha visita guiada pola Catedral, sendo a partida ás 12.15 horas en dirección a Caldas de Reis, para continuar posteriormente ata Padrón.
Este sábado, 7 de outubro, a partir das 17.45 horas, preto de 40 coches clásicos participantes no XI Rally Cidade de Vigo, estacionarán no Paseo da Corredoira de Tui.
As visitas guiadas gratuítas á cidade de Tui cambian o seu horario durante o mes de outubro e tamén a súa periodicidade. Pasan a realizarse os venres, sábados e domingos ás 20.15h cun percorrido aproximado dunha hora polo barrio xudeu. Con estas visitas nocturnas búscase ofrecer outra imaxe da cidade apreciando aspectos que as veces pasan desapercibidos á luz do día.
As visitas guiadas gratuítas á cidade de Tui cambian o seu horario durante o mes de outubro e tamén a súa periodicidade. Dende mañá 1 de outubro pasarán a realizarse os venres, sábados e domingos ás 20.15h cun percorrido aproximado dunha hora polo barrio xudeu. Con estas visitas nocturnas búscase ofrecer outra imaxe da cidade apreciando aspectos que as veces pasan desapercibidos á luz do día.
