Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
A Red de Juderías de España, da que forma parte o Concello de Tui, convoca o II Concurso de Microrrelatos, dentro do programa educativo Bejamín de Sefarad. O obxectivo deste certame é espertar a afición pola escritura, a imaxinación e a capacidade para descubrir experiencias e o seu entorno polo alumnado e dar a coñecer entre os máis pequenos o legado xudeu das cidades que están integradas na Rede.
O salón de sesións da casa do concello de Tui acolle este xoves, 14 de novembro, a primeira xornada do III Congreso Internacional Camiño Portugués de Santiago: un patrimonio cultural para a nova Europa organizado polo Grupo Compostela de Universidades.
O próximo luns, 11 de novembro, ás 11.30 h na sala de reunións da casa do Concello de Tui terá lugar a presentación do III Congreso Internacional Camiño Portugués de Santiago: un patrimonio cultural para a nova Europa que se vai celebrar do 14 ao 16 de novembro en Tui e Valença. Está organizado polo Grupo Compostela de Universidades.
Héctor Martínez de Guillarei coa fotografía “Enmarcando a historia” foi o gañador do I Concurso Fotográfico Enmárcate en Tui convocado pola Concellería de Turismo. A súa fotografía na que aparece el mesmo emulando coas súas mans, as mans do sorporte que sostén o marco colocado na zona axardinada na rúa Martínez Padín, a carón da área de autocaravanas, foi considerada a máis orixinal das que se que presentaron ao concurso. O concelleiro de Turismo, Laureano Alonso, fíxolle entrega a Héctor Martínez do premio consistente nunha figura réplica do pórtico da catedral.
Esta fin de semana son varias as citas de lecer e deportivas que se celebran en Tui nas que colabora o Concello de Tui.
No eido musical, como celebración dos Días Europeos do Camiño de Santiago, temos unha dobre proposta. Mañá sábado, ás 18 h, na Catedral de Tui poderanse escoitar distintas composicións inspiradas no Camiño de Santiago, escritas por compositores e compositoras galegos e portugueses. Será no concerto “Música en Camiño” organizado pola CEER, a Rede de Universidades da Eurorrexión Galicia-Norte de Portugal.
O Concello de Tui súmase esta fin de semana á celebración das primeiras Xornadas Europeas do Camiño de Santiago promovidas pola Federación Europea dos Camiños de Santiago para resaltar o carácter integrador das rutas xacobeas. Unha iniciativa que promove a valorización do Camiño, da súa dimensión europea e do patrimonio cultural, tanxible e intanxible, que o singulariza e do que Tui é testemuña privilexiada da historia e da actualidade das rutas xacobeas.
En Tui será dobre a cita que poderemos gozar.
Tui é dende hoxe membro de pleno dereito da Red de Juderías de España. Na 52ª asemblea desta entidade, celebrada esta tarde en Hervás, formalizouse a incorporación de catro novas cidades: Tui, Béjar, Sagunto e Lorca. Con este paso complétase o proceso de admisión de novas entidades que comezou o ano pasado coa presentación de candidaturas que foi resolta no mes de maio.
Mañá venres, 27 de setembro, celébrase na aula da UNED de Tui, no antigo convento de San Domingo, a Xornada “Turismo e Emprego: un futuro mellor para todos” organizada polo Concello de Tui.
No acto de inauguración participarán o alcalde, Enrique Cabaleiro, a xefa territorial da Consellería de Cultura e Turismo, María José Echevarria, a concelleira de Formación e Emprego de Tui, Ana Mª Núñez, o concelleiro de Turismo, Laureano Alonso, e o vereador de Turismo de Valença, José Monte.
O programa a desenvolver é o seguinte:
Ás 9.30h Acto de inauguración
O Concello de Tui vai realizar un diagnóstico da situación e usos do mercado municipal de Tui, situado na rúa Maristas. Así o aprobou hoxe a Mesa Local de Comercio na reunión que celebrou na casa do concello presidida polo alcalde, Enrique Cabaleiro.
“Turismo e emprego: un futuro mellor para todos” é título da xornada que se vai celebrar o próximo venres, 27 de setembro, en Tui coa que o Concello se suma á conmemoración do Día Mundial do Turismo. Terá lugar ao longo da mañá na Aula da UNED, no antigo convento de San Domingos, e pola tarde está prevista unha visita guiada.
Esta xornada foi presentada esta mañá na casa do concello polo alcalde, Enrique Cabaleiro, a concelleira de Emprego e Formación, Ana Mª Núñez, e o concelleiro de Turismo, Laureano Alonso.
