A mellora da cualificación dos posibles traballadores a través de distintos cursos, cunha aposta pola clara pola formación e a orientación laboral que permita a súa inserción laboral son obxectivos claro na área de Emprego e Formación. Este labor centralízase por unha banda no Centro de Formación Ocupacional e por outra a través da Axente de Desenvolvemento Local.
O Concello de Tui abre proceso selectivo para a formación de lista de reserva para o nomeamento interino de prazas de administrativo. Mediante anuncio publicado o día 24/09/2019 no BOPPO iniciase o prazo de 10 días para a presentación de instancias.
Prazo que remata o vindeiro día 08/10/2019.
Para mais información prema aquí
“Turismo e emprego: un futuro mellor para todos” é título da xornada que se vai celebrar o próximo venres, 27 de setembro, en Tui coa que o Concello se suma á conmemoración do Día Mundial do Turismo. Terá lugar ao longo da mañá na Aula da UNED, no antigo convento de San Domingos, e pola tarde está prevista unha visita guiada.
Esta xornada foi presentada esta mañá na casa do concello polo alcalde, Enrique Cabaleiro, a concelleira de Emprego e Formación, Ana Mª Núñez, e o concelleiro de Turismo, Laureano Alonso.
O Concello de Tui xunto á Fundación Cibervoluntarios e Zona From Facebook poñen en marcha o proxecto “Extraordinarias” co obxectivo de fomentar o empoderamento feminino e contribuír á paliar a fenda tecnolóxica no emprendemento dixital. Trátase de potenciar ideas e negocios activos que xeren valor e economía local para impulsalos a nivel global.
Vai dirixido a mulleres emprendedoras. Este proxecto contempla tanto taller formativos presenciais coma mentoring.
Mañá venres, 20 de setembro, ás 10 h, na sala de reunións da casa do concello de Tui presentaranse as Xornadas “Turismo e Emprego, un futuro mellor”, que o próximo venres, 27 de setembro se van celebrar en Tui coincidindo co Día Mundial do Turismo.
A presentación correrá a cargo do alcalde de Tui, Enrique Cabaleiro, do concelleiro de Turismo, Laureano Alonso, e da concelleira de Formación e Emprego, Ana Mª Núñez.
Máis dun centenar de persoas en situación de desemprego coñeceron hoxe de primeira man cales son as cuestión que as empresas teñen en conta nas súas ofertas de emprego e cales son os perfís máis demandados.
Foi no transcurso do foro de emprego Emprega Tui que se desenvolveu na aula da UNED organizado polo Concello de Tui a través do Programa Integrado de Emprego, PIE. O foro comezou gardando un minuto de silencio en memoria das tres mulleres asasinadas onte en Valga, previo ao acto de apertura.
Mañá martes, 17 de setembro, ás 9.15 h na aula da UNED de Tui, no antigo convento de San Domingo terá lugar a apertura do foro de emprego, Emprega Tui, que se vai celebrar ao longo da mañá con máis dun centenar de participantes. O acto de apertura correrá a cargo do alcalde, Enrique Cabaleiro, e da concelleira de Formación e Emprego, Ana Mª Núñez.
O programa a desenvolver é o seguinte:
Ás 8.45 h coa recepción dos participantes
Ás 9.15 h Presentación do foro da man do alcalde, Enrique Cabaleiro, e da concelleira de Formación e Emprego, Ana Mª Núñez.
O Concello de Tui organiza o próximo martes, 17 de setembro, un Foro de Emprego que baixo a denominación de EMPREGA Tui. Celebrarase na aula da UNED de Tui, no antigo convento de San Domingos, na rúa Antero Rubín, en horario de 8:45 a 14 h.
O día 04/09/2019 se procedeu a valoración dos méritos do proceso selectivo.
Os aspirantes dispoñen de 3 días para a presentación de alegacións. Trancorrido dito prazo sen que se presenten alegacións as puntuacións provisionais consideraránse definitivas
Mediante resolución do Concelleiro delegado de persoal de data 03/09/2019 se aprobou lista de admitidos se nomeou tribunal e se sinalou data da valoración de méritos do proceso selectivo para a contratación laboral en prácticas de 4 persoas, dentro do programa de fomento do emprego "O teu primeiro emprego".
A data da valoración de méritos será mañá mercores día 04/09/2019 as 13:00 horas, unha vez rematada os resultados se poderán comprobar aquí
O Concello de Tui abre un proceso de selección de 4 persoas para ser contratadas en practicas.
Solo se lle comunicará esta convocatoria a aqueles interesados que veñan relacionados na sondaxe de demandantes remitidos pola oficina do Servizo Público de Emprego, en cumprimento do disposto nas bases reguladoras destas axudas, debendo presentarse os interesados no Concello de Tui, nas datas fixadas na comunicación remitida pola antedita oficina, para recoller as bases da convocatoria e formalizar a súa solicitude de participación no proceso de selección.
