Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Cinema e música protagonizan a oferta cultural para os meses de xullo e agosto en Tui xunto á VII Festa do Miño e o II Festival Arraianos. Trátase dunha programación dirixida a todos os públicos pensada para disfrutar na rúa. Con estas propostas ábrese a Axenda Corredoira Cultural do segundo semestre do ano que recolle a programación prevista ata o mes de decembro.
Mañá venres, 14 de xullo, ás 10.30h na sala de reunións da casa do concello de Tui terá lugar a presentación da Axenda Cultural Corredoira correspondente ao segundo semestre de 2017.
A presentación correrá a cargo do alcalde de Tui, Enrique Cabaleiro, a concelleira de Ensino e Cultura, María José González, xunto a Alejandro Otero e Adolfo Besada, directores das Bandas de Música de Xinzo e Tui, Alfonso González da organización da Noite Internacional do Miño, e Javier Argüelles do Festival Arraianos.
Do 21 ao 25 de xullo a Eurocidade Tui-Valença acollerá a quinta edición do IKFEM, o Festival Internacional de Instrumentos de Tecla que ofrecerá masterclases e concertos en lugares tan emblemáticos coma a vella ponte internacional, a Catedral de Tui ou a fortaleza de Valença.
Mañá martes, 11 de xullo, ás 11h no Parador de Turismo San Telmo de Tui terá lugar a presentación do V IKFEM, Festival Internacional de Instrumentos de Tecla da Eurocidade Tui-Valença, que se vai celebrar do 21 ao 25 de xullo.
O Conservatorio Profesional de Música de Tui e a Asocciación Frai Rosendo Salvado organiza o Curso de Gaita de Fol que se vai celebrar do 7 ao 9 de xullo en Tui.
O Conservatorio Profesional de Música de Tui acollerá do 10 ao 13 de xullo a II Aula Internacional de Saxofón. Esta actividade está organizada polo propio e a Asociación Fray Rosendo Salvado.
Ante a celebración das festas patronais de San Telmo 2016 ábrese o prazo para a presentación de solicitudes para a instalación de postos/atraccións durante os festexos. O prazo de presentación das solicitudes será entre os días 24 de febreiro e 2 de marzo de 2016.
A XX Feira de Artesanía de Tui celebrarase o sábado 30 de abril e o domingo 1 de maio de 2016.
Mañá, 14 de febreiro, terá lugar a derradeira proxección deste curso do programa “O cine nas Aulas” promovido dende o departamento de Servizos Sociais coa colaboración dos centros educativos tudenses.
