Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O Teatro Municipal de Tui acollerá este venres, 26 de xaneiro, ás 20.30h unha gala homenaxe ao mestre Antón Corral, figura clave da música tradicional galega, organizada polo Concello. Este evento foi presentado esta mañá, na casa do concello, por parte do alcalde de Tui, Carlos Vázquez Padín, o fillo de Antón Corral, Suso Corral, e a autora da biografía de Antón Corral, Fina Fernández.
Mañá mércores, 24 de xaneiro, ás 11h na sala de reunións da casa do Concello será presentada a Gala Homenaxe a Antón Corral que se vai celebrar este venres, 26 de xaneiro, no Teatro Municipal de Tui.
Do 1 ao 22 de febreiro a Sala de Exposicións Municipal, na Área Panorámica, acollerá a exposición «Auga, o sangue da terra» de Manuel Valcárcel. Esta mostra chegará a Tui grazas ao convenio de colaboración cultural asinado esta mañá polo o alcalde, Carlos Vázquez Padín; a directora de Oficina de ABANCA de Tui, Uxía Arranz Costas; e a Coordinadora da Área de Cultura de Afundación, Marité Cores. Asistiron tamén o concelleiro de Cultura, Patrimonio e Medio Ambiente, Eduardo Freiría, e a directora da outra Oficina da ABANCA de Tui, Mª Teba García.
O próximo luns, 22 de xaneiro, ás 9h na casa do concello de Tui terá lugar a sinatura dun convenio de colaboración cultural entre o Concello Tui, ABANCA, e Afundación mediante o que as tres entidades desenvolverán a exposición «Auga, o sangue da terra», obra do fotógrafo Manuel Valcárcel.
Este sábado, 20 de xaneiro, ás 12.30h terá lugar na sala de exposicións da Área Panorámica a inauguración da III Mostra da Camelia Cidade de Tui organizada por ATUCA, a Asociación de Amigos Tudenses da Camelia, co patrocinio do Concello de Tui e da Deputación de Pontevedra, e a colaboración da Sociedade Española da Camelia.
A Eurocidade Tui-Valença ten todo preparado para recibir este venres, 5 de xaneiro, aos Reis Magos de Oriente que protagonizarán un ano máis a Cabalgata Internacional entre os dous municipios de dous países nunha comitiva formada por máis de 150 persoas.
A saída está prevista ás 17 hora española dende o Albergue de Peregrinos de San Teotonio en Valença, onde se iniciará o percorrido de 3,5 quilómetros, que rematará dúas horas despois, ás 19 h, no Paseo da Corredoira en Tui fronte ao Seminario Menor.
Este venres, 29 de decembro, ás 21h celébrase no Teatro Municipal de Tui o concerto de Fin de Ano a cargo da Banda de Música Popular de Tui e da Coral San Telmo. Este evento, organizado polo Concello de Tui, terá carácter solidario xa que as entradas cambiaranse por alimentos non perecedoiros que serán doados a SOS Tomiño Baixo Miño.
Este venres, 22 de decembro, ás 21h celébrase o Concerto de Nadal no Teatro Municipal de Tui organizado polo Concello de Tui. Correrá a cargo da Orquestra Sinfónica de Tui acompañada pola coral da Academia de Música da Fortaleza de Valença.
Esta fin de semana terán lugar os dous últimos percorridos das visitas culturais organizadas polo Concello de Tui e nas que dende o pasado mes de xuño teñen participado máis de 4 mil persoas.
O venres 15, ás 19.15h, dende a praza da Inmaculada sairá a visita a “Cidade Histórica”, que brindará de novo a posibilidade de achegarse á evolución da cidade ao longo de 800 anos dende o urbanismo medieval, que marca o aspecto actual da cidade.
Mañá mércores, 6 de decembro, ás 19h na praza da Inmaculada terá lugar o acendido do alumeado de Nadal en Tui. O evento contará coa actuación da Coral San Telmo e do grupo de acordeóns da asociación cultural Xuntanza de Randufe.
