Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá ás 19 h na Sala de Exposicións Municipal será inaugurada a mostra "Inventio Mundi”. Na inauguración participarán o alcalde de Tui, Enrique Cabaleiro, a A presidenta do Consello da Cultura Galega, CCG, Rosario Álvarez, e o secretario xeral de Emigración, Antonio Rodríguez Miranda,
A mostra está organizada polo (CCG) e pola Secretaría Xeral de Emigración. Poderá verse en Tui até o 6 de xuño.
As actuais condicións sanitarias non permiten a realización de "Tui Le" no seu formato tradicional na rúa coa participación presencial do alumnado tudense nunha iniciativa froito da colaboración entre as bibliotecas escolares tudenses e as bibliotecas municipais de Tui e Valença. Do mesmo xeito que aconteceu en 2020, neste 2021 toca de novo a celebración en liña deste evento, que cumpre doce edicións.
O Concello de Tui celebrará o Día das Letras Galegas cunha nova edición de Tui Le e da Feira do Libro Galego, adaptadas as actuais circunstancias sanitarias. A autora homenaxeada este 2021, Xela Arias, será a protagonista do programa cunha conferencia de Marga do Val, e coa lectura dos seus poemas. Tamén haberá espectáculos infantís con Pablo Sánchez e Paporrubio e un concerto de MJ Pérez. O programa está organizado coa colaboración da Deputación Provincial de Pontevedra.
Últimos días para visitar na Sala Municipal de Exposición a mostra “Estampas anagrámicas” que rematará este sábado, 15 de maio.
Hoxe mércores presentabase no Arquivo municipal de Valença o MUMI 2021, o encontro profesional das músicas do Minho, que se celebrará do 9 ao 11 de setembro. O facían o alcalde de Tui, Enrique Cabaleiro González, o presidente da Cámara municipal de Valença, Manuel Rodrigues Lopez, e representando á organización do MUMI, César Cardoso e Manuel Vicente Roxo.
As rúas de Tui xunto a edificios coma os antigos xulgados na Praza da Inmaculada ou o Seminario Menor, están sendo dende onte luns o escenario da gravación da serie “Un Asunto Privado” de Bambú Produccións, dirixida por David Pinillos e María Ripoll e creada por Teresa Fernández-Valdés, Ramón Campos e Gema R. Neira.
O próximo xoves, 13 de maio, chega a Tui o quinto taller do Museo en Camiño, unha iniciativa que se está a desenvolver no marco do programa O Teu Xacobeo da Xunta, e que conta cunha achega de 11.500 euros da administración autonómica.
Esta actividade desenvolverase no Edificio “Francisco Sánchez” (antiga Área Panorámica) de 17 a 18:30h e terá como finalidade que nenos e nenas de 6 a 12 anos coñezan os valores da ruta xacobea así como o patrimonio atesourado no Museo Provincial de Pontevedra.
Mañá mércores, 5 de maio, ás 11 hora galega terá lugar no Arquivo Municipal de Valença a presentación do MUMI, Música no Minho, 2021.A feira reunirá do 9 ao 11 de setembro na Eurocidade Tui-Valença a profesionais do sector musical e cultural galego e portugués-
A presentación mañá correrá a cargo do alcalde de Tui, Enrique Cabaleiro, do presidente da Cámara de Valença, Manuel Lopes, da concelleira de Cultura, Sonsoles Vicente, xunto a César Cardoso e Manuel Vicente Roxo organizadores do MUMI 2021.
Dende hoxe e até o sábado pode visitarse no anexo da Sala Municipal, na Área Panorámica a mostra “Aquela nena de Sarria”. Esta mañá o alcalde, Enrique Cabaleiro, e a concelleira de Cultura, Sonsoles Vicente, presentaron a mostra xunto ao presidente do Colectivo Egeria, Xulio Xiz.
Precisamente esta exposición é un proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas
Doce paneis recollen os primeiros anos da vida de Xela Arias, a súa vinculación co rural e co noso idioma.
A Biblioteca Pública Municipal de Tui acollerá este luns, 3 de maio, ás 13 horas a presentación da mostra itinerante “Aquela nena de Sarria”. Trátase dun proxecto desenvolvido polo Colectivo Egeria para dar a coñecer a figura de Xela Arias, a quen se dedica este ano o Día das Letras Galegas. A mostra conta co patrocinio da Consellería de Cultura, Educación e Universidade da Xunta de Galicia, e a colaboración do Concello de Sarria e a Real Academia Galega.
