O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O domingo 26 de marzo volverá unir Tui e Pontevedra a marcha Ultreia.
As persoas interesadas poden inscribrise en cronotec.es.
Haberá catro distancias, a Ultreia que será a distancia completa de 52 kms entre Tui e Pontevedra, longa de 40 kms que irá de Tui a Arcade, a media de 33 kms que será entre Tui e Redondela, e a curta de 19 kms entre Tui e o Porriño.
Lembramos que Ultreia é unha marcha/trail de senderismo popular. Na edición de 2022 contou con 356 participantes.
O Club Tracçao ás 4 organiza o Raid TT Eurocidade. Celebrarase o 4 de marzo na modalidade de motos, e o 25 de marzo en jeeps. 'É preciso inscrición previa. Estas probas forma parte do calendario deportivo da Eurocidade Tui-Valença.
O domingo, 12 de marzo, vaise celebrar a X Eurocidade BTT organizada polo club Biciosos. A inscrición para participar está xa aberta en www.biciosos.gal.
Esta proba forma parte do calendario deportivo da Eurocidade Tui-Valença.
Dentro do Calendario Deportivo da Eurocidade Tui-Valença vaise celebrar entre o 16 de abril e o 26 de novembro de 2023 o Circuíto de Andainas Saudables da Eurocidade organizado polo club AndaTui Rego da Pedra e o club Celtas do Minho.
A Eurocidade Tui-Valença presentou este mediodía o seu Calendario Deportivo da Eurocidade 2023 con máis dunha decena de probas deportivas de múltiples disciplinas que se celebrarán ao longo deste ano e grazas a colaboración dos dous municipios transfronteirizos.
A primeira cita deste calendario será esta mesma fin de semana co Trail do Aloia, unha proba clásica que tamén servirá de inicio para a Pontevedra Trail League.
Esta fin de semana, a Federación Galega de Remo, en colaboración co Club Remo do Miño, organizará en Tui a concentración da selección galega de remo olímpico na categoría absoluta masculina e feminina. Asistirán un total de 22 remeiros e remeiras, pertencentes a 7 clubs galegos. Esta concentración ten como obxectivo a preparación do Campionato de España de remo olímpico e de autonomías, que se celebrará en Castrelo do Miño, os días 18 e 19 de febreiro.
Mañá sábado, 28 de xaneiro, a Federación Galega de Remo, en colaboración co Club Remo do Miño, organizará en Tui a primeira concentración da selección galega de remo olímpico neste ano 2023. Na mesma participarán un total de 40 remeiros e remeiras, das categorías cadete e xuvenil, pertencentes a 11 clubs galegos. Esta concentración ten como obxectivo a formación dos equipos que participarán no Campionato de España de autonomías, que se celebrará en Castrelo do Miño, o próximo mes de febreiro.
O Centro Municipal de Remo, á beira do río Miño, denomínase dende hoxe José Luís Méndez. Tui recoñece así á histórica figura do principal impulsor do remo na cidade, que tamén foi fundador do Club Remo do Miño no ano 1974.
Na fachada principal do edificio deportivo aparece xa a nova denominación, ao tempo que no interior unha placa, que foi descuberta pola viúva de José Luís Méndez, recolle o acordo plenario da corporación tudense neste senso.
Máis de 215 deportistas participarán este sábado, 14 de xaneiro, na edición número 42 da Regata Miño Internacional no río Miño ao seu paso por Tui. A histórica proba, organizada polo Club Remo do Miño en colaboración co Concello de Tui.
