O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O Concello de Tui conta con dúas piscinas municipais ao aire libre que abre durante os meses de verán. O seu horario é de luns a venres de 13.30 h a 20.30 h, e os sábados, domingo e festivos de 12.30 h a 20.30 h. O prezo da entrada é de 1,5 € nenos maiores de 4 anos, e 2 € adultos.
Os responsables de dous clubs deportivos tudenses, Pablo García do Club de Tenis Tui e Juan Carlos Feijoo e Miguel de la Calle do Club de Padel8, entregaron esta mañá á Biblioteca Municipal de Tui un amplo lotes de pelotas usadas que serán reutilizadas polo centro bibliotecario para contribuír substancialmente ao mantemento do ambiente de silencio, tan característico na biblioteca, ao evitar o ruído xerado polo arrastres das cadeiras que, de modo involuntario, realizan os usuarios cando acceden ou abandonan o seu posto de lectura.
Onte martes, 5 de novembro, celebrouse na sala de concelleiros da Casa do Concello de Tui, a primeira das reunións de planificación do proxecto “Aloiada 2020”. Nesta actividade organizada polos oitos colexios de Tui, en colaboración co Concello de Tui, ao longo de dous días, os rapaces e rapazas de 6º de Primaria de Tui, participan en diferentes actividades no medio natural, tanto no Parque Natural do Monte Aloia e no Monte Galiñeiro, como no río Miño.
O domingo 24 de novembro celébranse as andainas “Tui 25 km” e “Coñece o Aloia 16 km” organizadas polo Club de Montaña Xistra en colaboración co Concello de Tui e a Entidade Local Menor de Pazos de Reis.
A marcha “Tui 25 km” é puntuable para o VI Open de Andainas de Regularidade.
O próximo luns, 28 de outubro, a partir das 22.00 horas, terá lugar a saída do concurso de patrullas das Forzas Armadas Españolas, que realizarán o Camiño Portugués de Santiago. Será dende o aparcamento dos centros municipais de remo e piragüismo de Tui, situados na rúa Olímpicos Tudenses, ao carón do río Miño,
O Pavillón Deportivo Municipal de Valença acolle o sábado, 30 de novembro, dende ás 11 h ás 20 hora galega o VI Trofeo de Baile Deportivo da Eurocidade Tui-Valença. Será a quinta proba do circuíto Galicia-Norte de Portugal, e puntuable para o ranking FEBO.
O sábado 19 de outubro, dende ás 19.30 h, está prevista á chegada á rúa Olímpicos dos participantes no V Budiño Raid Terras do Louro. Sairá ás 9.30 h dende Mos para realizar un percorrido de 80 quilómetros divididos en cinco sectores, cun tempo máximo de carreira de 10 horas. É unha competición multidisciplinar na que os participantes terán que demostrar a súa capacidade de resistencia, a súa orientación e a súa habilidade. Será a cuarta proba da Liga Galega de Raids de Orientación 2019 e contará con tres categorías Élite, Aventura e Orienta – Raid.
Esta fin de semana son varias as citas de lecer e deportivas que se celebran en Tui nas que colabora o Concello de Tui.
No eido musical, como celebración dos Días Europeos do Camiño de Santiago, temos unha dobre proposta. Mañá sábado, ás 18 h, na Catedral de Tui poderanse escoitar distintas composicións inspiradas no Camiño de Santiago, escritas por compositores e compositoras galegos e portugueses. Será no concerto “Música en Camiño” organizado pola CEER, a Rede de Universidades da Eurorrexión Galicia-Norte de Portugal.
O Club Aromon de Pontevedra, en colaboración coa Eurocidade Tui-Valença, dentro da VIII Liga Aromon Chema Sport, organizará a II Carreira Internacional de Orientación da Eurocidade. Celebrarase o domingo 13 de outubro.
Esta evento contará con dúas probas: unha de mañá en Valença, con inicio ás 10.30 horas españolas, que percorrerá a pé as rúas do interior das murallas de Valença, e pola tarde, ás 16.30 horas, polo conxunto histórico de Tui, tendo os interesados a posibilidade de participar nas dúas probas.
O sábado, 26 de outubro, celébrase a IV Urban Trail Night Eurocidade 2019. Sairá ás 20.30 hora española dende a Avenida Miguel Dantas en Valença. A liña de meta estará situada no Paseo da Corredoira en Tui. Será sobre unha distancia de 14 quilómetros.
+ información e inscricións en www.urbantrailnight.com
