O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O pavillón deportivo municipal Gustavo Rodríguez acollerá este domingo, 28 de xuño, dende ás 10.30 h o XII Encontro Ibérico de Kung Fu Eurocidade. O Club Ximnasia e Auga de Tui organiza esta competición en colaboración coa Eurocidade Tui-Valença e a Federación Galega de Kung Fu. Este mediodía presentou este evento deportivo no Espazo Sociocultural da rúa Camilo José Cela.
Mañá martes 23 de xuño, ás 12.30 horas, no Espazo Sociocultural da rúa Camilo José Cela, terá lugar a presentación oficial do XII Campionato Ibérico de Kung Fu Eurocidade. Esta proba deportiva, organizada polo Club Ximnasia e Auga de Tui, en colaboración coa Eurocidade Tui-Valença e a Federación Galega de Kung Fu, terá lugar no Pavillón Deportivo Municipal Gustavo Rodríguez, este domingo 28 de xuño, a partir das 10.30 horas.
O baile será protagonista esta fin de semana na Eurocidade Tui-Valença coa celebración do I Trofeo hip-hop Eurocidade. Máis de 700 persoas participarán na final do Campionato Galego desta disciplina, que se disputará este domingo 21 no pavillón Gustavo Rodríguez, en Tui.
Hoxe públicase na Sede Electrónica do Concello de Tui a listaxe definitiva de persoas admitidas e excluídas para o Campamento de Verán 2026.
Cada participante deberá solicitar (ata as 14.00 horas do venres 19/06/2026) a carta de pago da cota de inscrición das quendas solicitadas:
O Parque Natural Monte Aloia e o río Miño serán mañá xoves e o venres o escenario de dúas xornadas de convivencia moi especiais para o alumnado de 6º de Primaria de sete centros educativos de Tui. Celebrase unha nova edición da Aloiada que cada ano promove actividade deportivas e de lecer, en espazos naturais privilexiados, entre 160 mozos e mozas que o próximo curso coincidirán nas aulas xa nos institutos. Cando a eles participarán na Aloiada 40 profesores e profesoras.
Está xa publicada, dende onte luns 8 de xuño, na sede electrónica a listaxe provisional de persoas admitidas e excluídas para o Campamento de Verán organizado polo Concello de Tui. Establécese un prazo de tres días hábiles contados a partir do día seguinte da súa publicación para presentar alegacións. Unha vez rematado este prazo publicarase a listaxe definitiva de persoas admitidas e excluídas en cada quenda, e cada participante terá ata o día 19 de xuño para realizar o pago da cota de inscrición de cada quenda.
Mañá mércores 10 de xuño, ás 11 h, no Espazo Sociocultural da rúa Camilo José Cela, terá lugar a presentación da Aloiada 2026, actividade organizada por sete dos colexios de Tui, en colaboración co Concello de Tui. Celebrarase este xoves 11 e venres 12 de xuño, contando coa participación de máis de 160 alumnos e alumnas de 6º de Primaria, e de 40 profesores e profesoras dos centros participantes.
O salón de sesións da casa do concello de Tui acolleu este mediodía a recepción ao equipo Alevín do Tyde F.C. que esta fin de semana vai participar no Torneo Internacional de Fútbol en Versmold, Alemaña. O alcalde de Tui, Enrique Cabaleiro, e o concelleiro de Deportes de Tui, Rafael Estévez, recibiron aos xogadores e xogadora que está mesma tarde viaxan cara Alemaña. No acto participaron tamén a concelleira de Cultura, Ensino e Mocidade, Sonsoles Vicente, o presidente do Tyde F.C, David Domínguez, e membros da xunta directiva do club.
Hoxe xoves ,4 de xuño, ás 13.30 horas, no salón de plenos do Concello de Tui, terá lugar a recepción ao equipo alevín do Tyde F.C. que un ano máis participará no Torneo Internacional de Versmold, que se celebrará na cidade alemán este fin de semana, grazas ao acordo de irmandade entre as dúas cidades.
Participarán na recepción o alcalde de Tui, Enrique Cabaleiro, o concelleiro de Deportes de Tui, Rafael Estévez, concelleiros e concelleiras de Tui, así como o presidente do Tyde F.C, David Domínguez, membros da xunta directiva e os integrantes do equipo alevín.
Na Sede Electrónica do Concello está publicada, dende o xoves 28, a listaxe de requirimentos de emenda de documentación das solicitudes de praza presentadas para o Campamento de Verán 2026. Sinaláse un prazo de tres días hábiles contados a partir do día seguinte da súa publicación para emendar a falta ou achegar os documentos preceptivos. De non facelo considerarase que se desiste da solicitude.
