Tui e Valença constitúen dende febreiro de 2012 unha Eurocidade, nun proceso que deu oficialidade formal á relación entre as poboacións dende antano. A interacción entre as dúas cidades e a colaboración entre as súas xentes son exemplo de cooperación transfronteiriza. Os dous municipios levan a cabo actividades conxuntas de promoción turística, así coma no eido deportivo e cultural. Desta unión nacerán nun futuro, con toda seguridade, proxectos e camiños que tudenses e valençianos percorrerán xuntos.
Ás doce desta noite, con motivo da apertura da fronteira entre España e Portugal o alcalde de Tui, Enrique Cabaleiro, e o equipo de goberno, comparecerán ante os medios de comunicación na vella Ponte Internacional de Tui.
A continuación comparecerán tamén xunto ao presidente da Cámara de Valença. Manuel Lopez, e o equipo de goberno valenciano.
A Eurocidade Tui-Valença reclama a reapertura da vella Ponte Internacional. Así o expuxeron esta mañá a carón desta centenaria infraestrutura o alcalde de Tui, Enrique Cabaleiro, e o presidente da Cámara de Valença, Manuel Lopes.
O alcalde de Tui, Enrique Cabaleiro, e o presidente da Cámara de Valença, Manuel Lópes, comparecerán este venres, 29 de maio, ás 11 hora española, no medio da vella Ponte Internacional.
Nesta comparecencia os mandatarios da Eurocidade farán pública a súa posición dando a coñecer as razóns polas que van reclamar a apertura da fronteira de xeito inmediato para os habitantes da Eurocidade Valença-Tui.
O Concello de Tui vén de acordar unha serie de medidas para previr o contaxio por Coronavirus. Estas decisións adoptáronse por unanimidade na xunta de portavoces celebrada este mediodía na casa do concello. A duración ou modulación das medidas adoptadas se tomará de acordo coas directrices establecidas polas autoridades sanitarias competentes.
Así pecharanse as instalacións municipais de carácter cultural e deportivo dende mañá e suspéndese a programación propia.
Seis percorridos conforman este 2020 o Circuíto de Andainas/Trilhos Saudables da Eurocidade Tui-Valença. Dende 2012 estase a desenvolver esta iniciativa que anualmente realiza diversas propostas para percorrer sendas tanto en Tui coma en Valença. As andainas está organizadas pola Eurocidade Tui-Valença xunto aos clubs Club AndaTui Rego da Pedra e Club Celtas do Minho.
O calendario previsto para este 2020 é o seguinte:
A corporación municipal de Tui e a Assembleia Municipal de Valença celebrarán o próximo luns, ás 21 hora española, no auditorio da Cámara Municipal de Valença, unha sesión plenaria histórica con motivo do oitavo aniversario da constitución da Eurocidade entre os dous municipios.
A maxia e a ilusión encherán este domingo, 5 de xaneiro, a Eurocidade Tui-Valença, cunha nova edición da Cabalgata Internacional de Reis. Trátase dun evento único con carácter transfronterizo que dende hai dez anos percorre os dous municipios. Melchor, Gaspar e Baltasar chegarán en tren á estación de Valença ás 16 hora galega.
Así o explicaron hoxe o alcalde de Tui, Enrique Cabaleiro, a concelleira de Ensino e Cultura de Tui, Sonsoles Vicente, e o vereador de Cultura de Valença, José Monte, en rolda de prensa.
Mañá venres, 3 de xaneiro, ás 11 h na casa do concello de Tui terá lugar a presentación da Cabalgata Internacional de Reis que terá lugar este domingo na Eurocidade Tui-Valença.
A presentación correrá a cargo do alcalde de Tui, Enrique Cabaleiro González, e dos responsables de Cultura dos dous municipios Sonsoles Vicente e José Monte.
O proxecto “Río Miño: un destino navegable” ten como obxectivo mellorar a navegabilidade do río Miño Internacional, pór en marcha a xestión compartida do espazo Rede Natura 2000 do Baixo Miño/Rio Minho e aproveitar a existencia de patrimonio cultural e natural de alto interese turístico no val do Miño Internacional, asociado á especificidade da fronteira, convertendo ese potencial turístico nunha vantaxe competitiva fronte a outros destinos.
O proxecto Unicidade, promovido polo Concello de Tui e a Cámara Municipal de Valença ten coma obxectivos:
