A Eurocidade Tui-Valença será sede do I Trofeo de Hip Hop da Eurocidade, que se celebrará este sábado, 1 de xuño, a partir das 16.00 horas, no novo pavillón deportivo municipal de Tui. Está organizado pola Escola de Baile Pasos Galicia, en colaboración coa Eurocidade Tui-Valença, o CSD, a Federación Española de Baile Deportivo e a Federación Española de Hip Hop.

Máis de 250 deportistas competirán neste trofeo en busca dunha das prazas para participar no Campionato do Mundo de Street Dance, que se celebrará no mes de agosto, na localidade británica de Blackpool.

O Campamento de Verán de Tui 2019, organizado polo Concello de Tui contará este ano con dúas quendas, a primeira do 15 ao 31 de xullo, e a segunda do 1 ao 16 de agosto. O prazo de inscrición será do 11 ao 21 de xuño, entregando a solicitude e a documentación requirida, na secretaría da casa do Concello de Tui.

A Asociación Galega de Profesores de Matemáticas, AGAPEMA, e a Asociación de Profesores de matemática de Portugal, APM, organizarán esta fin de semana no concello de Tui, a fase final do concurso “Matemáticas na raia”. Participarán os alumnos e alumnas de 9º da Escola Básica de Aroes de Santa Cristina de Portugal e de 3º da ESO do IES Nº1 de Ordes.

O Concello de Tui será a sede da Fase Final da Copa División de Honra Xuvenil Masculina de balonmán, que se disputará esta fin de semana no novo pavillón deportivo municipal de Tui, organizado pola Federación Galega de Balonmán, en colaboración co Concello de Tui, co Deporte Galego da Xunta de Galicia e coa Deputación de Pontevedra.

Tui acolle este sábado, 11 de maio, a primeira proba do IV Campionato Galego Inclusivo de Slalom de Motonáutica organizado polo Club Sen Amarras, coa colaboración da Federación Galega de Motonáutica e do Concello de Tui. O sábado dende ás 11 h no CETD (Centro Interfederado de Remo e Piragüismo) competirán deportistas con e sen discapacidade.

Tui celebra mañá o día grande das Festas de San Telmo, nunha xornada na que é festivo local na cidade. Os actos programados comezan na rúa Loureiro coa tradicional Feira Cabalar que reunirá a miles de persoas ao longo da mañá.  Entre as actividades previstas estará o poni club para os máis pequenos, unha proba competitiva de potencia de salto a cabalo, ou unha exhibición de doma de alta escola a cargo da Asociación de Cabalo Galego. Tamén coma novidade este ano premiarase ao conxunto xinete/cabalo mellor presentado.

O R.C. Celta de Vigo cumpre este ano o seu 95º aniversario. Por  este motivo durante as Festas de San Telmo vaise celebrar unha charla-coloquio en Tui. Será este luns, 29 de abril ás 17.00 h. no Teatro da Área Panorámica co título  “R.C. Celta de Vigo… 95 anos a AFOUTEZA”. Nela farase un repaso por distintos momentos da historia celeste a través de futbolistas que marcaron ou van marcar unha época.

Estarán presentes no acto:

Mañá sábado, 27 de abril, o deporte será un dos protagonistas no programa previsto dentro das Festas de San Telmo.

A primeira cita será ás 10 h coa Andaina Festas de San Telmo que sairá do palco de Música do Paseo da Corredoira. Forma parte do circuíto de Andainas Saudables da Eurocidade. Realizará un percorrido de 10 quilómetros dende o centro urbano achegándose até as parroquias de Paramos e Guillarei guiada polo club Andatui. O prazo de inscrición pechou este mediodía.

A promoción do deporte será un dos eixos da programación prevista mañá mércores, 24 de abril, dentro das festas de San Telmo. No novo pavillón municipal, na rúa Coengo Valiño, de 11 a 14 h os nenos e nenas dende os 6 anos poderán practicar bádminton, xadrez e tenis de mesa da man dos clubs Bádminton Tui e Xadrez Tui.

Por outra parte a construción dun barco con material de refugallo centrará as actividades infantís  para nenos e nenas de 5 a 16 anos que dende as 11 h se celebrarán no Centro Sociocomunitario na rúa Colón.

Tui celebrará do sábado 20 ao luns 29 de abril – festivo local na cidade – as Festas na honra a San Telmo cunha programación pensada para todos os públicos. A presentación dos festexos tivo lugar esta mañá na casa do concello a cargo do alcalde, Carlos Vázquez Padín, o concelleiro de Cultura e Patrimonio, Eduardo Freiría, o concelleiro de Seguridade, Antonio Castro, a concelleira de Educación, Mila González, e a concelleira de Servizos Sociais, Estrella Muradás.