Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O próximo sábado, 6 de xullo, ás 22.30 h na rúa Compostela ofrecerá un concerto Susana Seivane dentro do programa Musigal Son Tradición.
No concerto canda a Susana Seivane actuarán Miguel González, saxo; Rubén Deschamps, guitarra e mandolina; Carlos Freire, batería e percusión tradicional e Iago Rodríguez, baixo eléctrico.
Mañá sábado, 8 de xuño, ás 20 h terá lugar o descubrimento da placa do Paseo Familia Álvarez Blázquez, tras o acordo unánime da corporación municipal en pleno o pasado mes de abril.
O acto comezará na Glorieta de Vigo coa recepción dos membros da familia Álvarez Blázquez e convidados por parte da corporación municipal en funcións.
O Camiño de Santiago será o protagonista esta fin de semana en Tui coa celebración do II Forum Peregrino na antiga cárcere, na rúa Sanz. Está organizado pola asociación Iacobus en colaboración co Concello de Tui.
O Forum foi presentado esta mañá na casa do concello de Tui polo alcalde de Tui en funcións, Carlos Vázquez Padín, o concelleiro de cultura en funcións, Eduardo Freiría, e Alfonso Ferreiro e Juan José Sánchez da Asociación Iacobus.
Hoxe, xoves as 11.00h terá lugar no salón de concelleiros do Concello de Tui a presentación do Forum Peregrino que se vai celebrar este fin de semana na antiga cárcere de Tui, na rúa Sanz.
Na presentación estarán o alcalde de Tui en funcións, Carlos Vázquez Padín, o concelleiro de Cultura en funcións, Eduardo Freiría, e representantes da Asociación Iacobus.
Mañá sábado, 1 de xuño, a asociación Iacobus en colaboración co Concello de Tui organiza unha andaina polo Camiño de Santiago Portugués no seu tramo de Caminha a Tui. Esta actividade foi presentada esta mañá no Concello de Tui por parte de Victoria Álvarez, Alfonso Ferreiro e Juanjo Sánchez, da asociación Iacobus, de Eduardo Freiría, concelleiro de Cultura en funcións, e Carlos Vázquez Padín, alcalde de Tui en funcións.
Os arquivos municipais de Valença e Tui desenvolveran unha actividade conxunta para conmemorar a celebración do Día Internacional dos Arquivos no ámbito do Eurocidade Tui – Valença.
Trátase dun Obradoiro de preservación e conservación de documentos en papel que impartido no Arquivo Municipal de Tui por persoal técnico do Arquivo Municipal de Valença. Este obradoiro celebrarase o vindeiro xoves, 6 de xuño, a partir das 10 h cunha duración aproximada de catro horas.
Na mañá de hoxe presentouse no Concello de Tui a XXII Feira do Libro Galego que se vai celebrar este venres, 17 de maio, co gallo do Día das Letras Galegas, que este ano se dedica a Antón Fraguas.
Haberá 20 postos de libros no Paseo da Corredoira das librarías Espazo Lector Nobel e Iris, de 11.00h a 22.00h, que ofrecerán un 10% de desconto. Ademáis exporanse Maios e paneis informativos sobre a figura do historiador e xeógrafo, Antón Fraguas, realizados polos centros educativos e asociacións culturais de Tui.
Mañá martes, 14 de maio, ás 11.00h terá lugar na sala de concelleiros do Concello de Tui a presentación da XXII Feira do Libro Galego de Tui que se celebrará este venres, 17 de maio, coincidindo co Día das Letras Galegas.
Na presentación estarán o alcalde de Tui, Carlos Vázquez Padín, o concelleiro de cultura, Eduardo Freiría, e representantes das librerías colaboradoras, Espazo Lector Nobel e Librerías Iris.
Este sábado, 11 de maio, ás 19.00h terá lugar na Sala de Exposición da Área Panorámica, a apertura da exposición de María Meijide, artista plástica, creadora do calendario da Eurocidade Tui-Valença.
A peza principal da mostra será o calendario da Eurocidade Tui- Valença encargado polo Concello de Tui hai meses, do que estarán expostas as pezas orixinais a acuarela e o proceso de edición, as pranchas de offset e as probas de cor. Destacou a artista que as obras deste calendario foron todas feitas ao natural “a través da memoria emotiva, das emocións que transmiten”.
Na mañá de hoxe tivo lugar na casa do concello a sinatura do convenio de colaboración entre o Concello de Tui e a Asociación Xuventudes Musicais Eixo Atlántico, antigamente Asociación Musicais de Tui, organizadora do IKFEM, Festival Internacional de Instrumentos de Tecla da Eurocidade Tui-Valença. Asinaron o convenio o alcalde de Tui, Carlos Vázquez Padín, e a directora do IKFEM, Andrea González.
