Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá venres, 11 de xuño, ás 19.30 h na no Paseo da Corredoira, na zona do Palco da Música, terá lugar o segundo concerto do alumnado e profesorado do Conservatorio Profesional e da Escola de Música de Tui dentro do ciclo de concerto na rúa previstos neste mes de xuño e na primeira quincena de xullo. Colabora nesta iniciativa a concellería de Cultura do Concello de Tui.
O Consello Internacional de Arquivos (ICA) promove anualmente a celebración do Día Internacional dos Arquivos o 9 de xuño, con ocasión da devandita celebración, do luns 7 ao venres 11 de xuño, ten lugar a terceira Semana Internacional dos Arquivos, cuxo lema central achegado polo Consello Internacional de Arquivos (ICA) é: Empoderar os Arquivos, convidando aos centros arquivísticos a realizar actividades ao longo desa semana coa finalidade de dar a coñecer pola cidadanía a documentación que conservan estes centros e como se traballa nos mesmos.
O Concello de Tui celebra o Día Mundial de Medio Ambiente, que ten lugar mañá 5 de xuño, cun programa de actividades que comezou hoxe venres e se vai desenvolver até o sábado 19 deste mes. No mesmo colaboran as concellerías de Medio Ambiente e de Cultura e Educación.
Por unha parte nos colexios do municipio realízase o obradoiro escolar “Xardín Infinito” consistente en construír un sistema illado simulando un ecosistema en miniatura para observar o proceso da fotosíntese, respiración e ciclos da auga.
Hai moitas formas de ver o mar e todas elas teñen presenza na literatura galega aínda que con formas desiguais. Esta é unha das ideas que se abordaron no Parladoiro “Galicia navegante no imaxinario literario” que se desenvolveu esta tarde en Tui da man dos escritores Víctor Freixanes e Pemón Bouzas, con Ramón Nicolás como moderador. A cita era unha da actividades complementarias da exposición “Inventio mundi” que se pode ver nesta mesma localidade ata o 9 de xuño e que documenta unha parte descoñecida da historia da navegación galega.
A música soará nas rúas de Tui os venres do mes de xuño e na primeira quincena de xullo da man do alumnado e profesorado do Conservatorio Profesional e da Escola de Música de Tui co apoio da concellería de Cultura do Concello de Tui.
Con concertos e actividades, a realizar en horario de tarde, amosarán á poboación os froitos do traballo realizado ao longo deste curso 2020/21, que estivo marcado polas restricións derivadas da pandemia da covid 19.
A Sala Municipal de Exposicións de Tui acolle mañá mércores, 2 de xuño, ás 20 h o parladoiro “A Galicia navegante no imaxinario literario”. No mesmo participarán os escritores Víctor Freixanes, Pemón Bouzas e Ramón Nicolás.
Esta actividade complementa a mostra “Inventio Mundi” que até o próximo mércores, 9 de xuño, se pode visitar na mesma Sala Municipal.
O próximo mércores, 2 de xuño, ás 20 h na Sala Municipal de Exposicións terá lugar o parladoiro “A Galicia navegante no imaxinario literario”.
Esta tarde tivo lugar a inauguración da mostra “Inventio Mundi” na Sala de Exposicións Municipal de Tui. Está organizada polo Consello da Cultura Galega (CCG) e pola Secretaría Xeral de Emigración.
No acto inaugural participaron o tenente alcalde de Tui, José Ramón Magán, a concelleira de Cultura, Sonsoles Vicente, a presidenta do CCG, Rosario Álvarez, e o secretario xeral, Antonio Rodríguez Miranda. Asistiron tamén membros da corporación municipal.
Mañá ás 19 h na Sala de Exposicións Municipal será inaugurada a mostra "Inventio Mundi”. Na inauguración participarán o alcalde de Tui, Enrique Cabaleiro, a A presidenta do Consello da Cultura Galega, CCG, Rosario Álvarez, e o secretario xeral de Emigración, Antonio Rodríguez Miranda,
A mostra está organizada polo (CCG) e pola Secretaría Xeral de Emigración. Poderá verse en Tui até o 6 de xuño.
As actuais condicións sanitarias non permiten a realización de "Tui Le" no seu formato tradicional na rúa coa participación presencial do alumnado tudense nunha iniciativa froito da colaboración entre as bibliotecas escolares tudenses e as bibliotecas municipais de Tui e Valença. Do mesmo xeito que aconteceu en 2020, neste 2021 toca de novo a celebración en liña deste evento, que cumpre doce edicións.
