Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Debido á celebración do Xacobeo Bridge Tui-Valença, o evento inaugural do festival IKFEM, mañá venres, 19 de agosto, dende ás 8 h e até ás 2 h do sábado, 20 de agosto, non se poderá circular nin estacionar na Avenida de Portugal dende o cruzamento coa estrada da Guarda até a vella Ponte Internacional de Tui.
Mañá sábado volve a Tui a Festa do Miño na súa décima edición e, a partir das 20:00h, a rúa Compostela tinguirase de gastronomía da man de doce asociacións culturais da comarca: a Asociación do Traxe Tradicional de Tui, a Insua de Caldelas, Aloia de Pazos de Reis, Arume de Malvas, Laxes de Paramos, Lembranzas da Terra de Guillarei, Muiñeiros do río Tripes, O Mosteiro de Pexegueiro, San Bartolomeu, San Fins de Rebordáns, Santa Columba de Ribadelouro, e Seixos Albos de Areas.
Este venres, 12 de agosto, proxéctase no Paseo Fluvial a película de animación xaponesa Arrietty e o mundo dos diminutos, adaptación do conto infantil "The Borrowers" de Mary Norton e ambientada no Tokio contemporáneo. Será ás 22.00 no Paseo Fluvial, con entrada gratuíta e libre. O filme foi premiado no ano 2010 pola Academia Japonesa como Mellor filme de animación
A música volverá encher mañá pola noite a praza de San Fernando co concerto “Volta ás orixes” a cargo das violinistas tudenses Sara Areal e Raquel Areal e Karla Martínez. Este evento musical comezará ás 22.15 h con entrada libre.
O sábado, 13 de agosto, volverá celebrarse unha nova edición da Festa do Miño, un evento que se estenderá ao longo da xornada con múltiples actividades dende a romaría popular, e o descenso popular do Miño, á Festa Gastronómica e o concerto da Banda Xangai.
Ante a celebración da Festa Gastronómica o concello de Tui á próxima semana o prazo para que as asociacións culturais tudenses soliciten a súa participación na mesma cun posto de venda directa de comida tradicional.
A banda de gaitas de San Xoán de Paramos actuará mañá domingo, 24 de xullo, no Paseo Fluvial nun concerto moi especial polo Día de Galicia. Dende as 22.15 horas da noite, interpretarán pezas de distintos xéneros, mesturando música tradicional e moderna, nunha actuación moi agardada e que fará as delicias do público.
Teatro, música e marinetas de gran tamaño conquistaron xa hoxe as rúas e prazas da Eurocidade Tui-Valença na segunda edición do Festival Internacional de Artes de Rúa, FIAR. O festival, con entrada gratuíta, presenta novos espectáculo mañá sábado e o domingo.
Dende hoxe pode visitarse na Sala de Exposicións Municipal, no edificio Francisco Sánchez, a exposición “Camiño Branco. Camiño Antártico” composta por 62 fotografías que documentan os máis de 14 mil quilómetros da ruta xacobea máis longa até a data.
Todo preparado na Eurocidade Tui-Valença a celebración da segunda edición do Festival Internacional de Artes de Rúa, FIAR. Dende mañá venres e até o domingo o público poderá gozar de espectáculos de danza, música, clown, malabares, da man de artistas galego, portugueses, italianos e franceses.
O Teatro Municipal de Tui acolle o próximo martes, 19 de xullo, ás 21.30 h a representación da obra teatral ‘Ragazzo’, interpretada por Anxo Outumuro, dirixida por Xavier Castiñeira, e con dramaturxia de Lali Álvarez.
A peza de teatro, obra da produtora Barrosanta, conta a historia real de Carlo Giuliani, un mozo activista italiano de 23 anos que foi asasinado a mans da policía de Xénova o 20 de xullo de 2001 nunha manifestación contra o cumio do G8.
