Dende a web municipal do Concello de Tui, www.tui.gal, así coma dende a canle de Youtube do Concello, poderá seguirse mañá xoves, ás 13 h, o acto de entrega do Premio Escola do Ano que concede a Fundación Princesa de Girona ao Colexio Rural Agrupado Mestra Clara Torres de Tui. As súas Maxestades os Reis, serán os encargados da entrega deste recoñecemento no Centro Cultural O Mosteiro de Pexegueiro.

Hoxe comezou a súa actividade o obradoiro dual de emprego Revaloriza Tui 2021 no que, durante 9 meses, se van formar vinte alumnos e alumnas nas especialidades de Colocación de Pedra Natural e Montaxe e Instalación de Construcións de Madeira. A presentación do mesmo tivo lugar o pasado venres e hoxe comezou xa a formación. 

O pasado venres o alumnado e persoas técnicas do obradoiro foron recibidos na casa do concello polo alcalde, Enrique Cabaleiro, e a concelleira de Formación Emprego, Ana Mª Núñez.

Hoxe comezou a súa actividade o obradoiro dual de emprego Revaloriza Tui 2021 no que, durante 9 meses, se van formar vinte alumnos e alumnas nas especialidades de Colocación de Pedra Natural e Montaxe e Instalación de Construcións de Madeira. A presentación do mesmo tivo lugar o pasado venres e hoxe comezou xa a formación. 

O pasado venres o alumnado e persoas técnicas do obradoiro foron recibidos na casa do concello polo alcalde, Enrique Cabaleiro, e a concelleira de Formación Emprego, Ana Mª Núñez.

No salón de sesións da casa do concello de Tui tivo lugar este mediodía a sinatura dun convenio entre o alcalde de Tui, Enrique Cabaleiro, e o presidente da Confederación Hidrográfica do Miño Sil, CHMS, José Antonio Quiroga, para a execución, entrega, mantemento e conservación das obras do proxecto de construción dunha pasarela peonil na desembocadura do río Louro. 

O Concello de Tui asina un convenio anual de colaboración coa Asociación de Muiñeiros do río Tripes. Na propia senda dos Muíños do Tripes así o daba a coñecer esta mañá o alcalde, Enrique Cabaleiro, xunto ao presidente deste colectivo, Miguel Méndez, o presidente de honra, Alberto Romer, e o vogal Cristián Lago.  

Mañá venres, 8 de outubro, ás 11 h presentarase na senda dos Muíños do río Tripes o programa de actividades Outubro nos Muíños do río Tripes organizado pola Asociación de Muiñeiros do río Tripes coa colaboración do Concello de Tui. 
A presentación correrá a cargo de Enrique Cabaleiro, alcalde de Tui, Miguel Méndez, presidente da Asociación de Muiñeiros do río Tripes, Alberto Romer, presidente de honra, e outros membros deste colectivo. 
 

Hoxe, 7 de outubro, conmemórase o 450 aniversario da Batalla de Lepanto. Aproveitando esta efeméride o Concello de Tui organiza un ciclo de conferencias e unha serie de visitas guiadas ao retablo de Nosa Señora do Rosario ou da batalla de Lepanto, e a igrexa de San Domingos onde está ubicado, para poñer en valor este singular elemento do patrimonio cultural tudense, e contribuír ao coñecemento da nosa historia e de acervo cultural de Tui.

Mañá xoves, 7 de outubro, ás 11 h na igrexa de San Domingo terá lugar a presentación do ciclo de conferencias e visitas guiadas conmemorativas do 450 aniversario de Batalla de Lepanto, que se vai celebrar do 7 de outubro ao 9 de novembro.

A presentación correrá a cargo do alcalde de Tui, Enrique Cabaleiro, do técnico do arquivo, biblioteca e museo de Tui, Rafael Sánchez Bargiela, e dun representante da Asociación Amigos da Catedral.

O proxecto de humanización da Avenida de Portugal no tramo comprendido entre a vella Ponte Internacional e o cruce coa N550 continúa avanzando na súa tramitación.

En concreto a Dirección Xeral de Patrimonio resolveu autorizar as obras do “Proxecto de construción de adecuación e mellora da seguridade viaria na estrada N-551 pk 1+400 a 1+850 coincidente coa traza do Camiño Portugués de Santiago” coas condicións e consideracións técnicas indicadas no informe.

Esta fin de semana comeza a I Feira da Cabaza que ao longo de todo o mes de outubro se vai celebrar no municipio tudense.

A Oficina de Turismo acolleu esta mañá a presentación a cargo do alcalde, Enrique Cabaleiro, as concelleiras de Comercio, Ana Mª Núñez, e de Cultura, Sonsoles Vicente, Carlos Picho, Juan Carlos Boo e Telmo Alfaya, membros da organización e José Martínez Tato, presidente do club AndaTui.