A IV San Silvestre Solidaria foi unha festa deportiva e solidaria que reuniu a 2 mil persoas

Toda unha festa foi o pasado mércores a celebración da IV San Silvestre Solidaria. Dúas persoas percorreron as rúas da cidade, o Paseo Fluvial e conxunto histórico nun evento que en só catro edicións se ten consolidando batendo récord e participación cada ano. 

O frío matinal combateuse con humor, deporte, festa e solidariedade nunha proba organizada conxuntamente polo Concello de Tui e o Club Atletismo Tui. Dende ás 9 h os máis madrugadores recolleron os seus dorsais no Espazo Sociocultural, para ás 10.30h iniciar o percorrido de catro quilómetros por lugares tan emblemático como a praza de San Fernando, a beira do río Miño e a propia Corredoira que foi o lugar de inicio e de remate deste evento festivo. A solidariedade estivo tamén moi presente a través das doazón realizadas para a Asociación Española contra o Cancro. 

Tras repor forzas no avituallamento e con chocolate quente a festa continuou tomando ás uvas ás 12 h coas badaladas do reloxo da praza da Inmaculada, e a música continuou nunha mañá festiva que se viviu na rúa. 

A programación de Nadal prosegue até o próximo luns.