Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A Biblioteca Pública Municipal de Tu organiza, dentro da programación de Nadal do Concello de Tui, catro obradoiros dirixidos aos rapaces e rapazas con idades entre os 5 e os 12 anos de idade. Os interesados deben inscribirse previamente ben persoalmente na propia Biblioteca ou a través do correo electrónico: biblioteca@tui.gal.
En concreto os obradoiros ofertados son os seguintes:
A exposición de fotografías antigas “A nosa auga, a nosa terra, a nosa xente” amplía a súa presenza na Sala Municipal de Exposicións do Concello de Tui ata o vindeiro 8 de xaneiro. A mostra recolle unha escolma dos fondos gráficos do Balneario de Caldelas de Tui.
A luz vai ser a protagonista do concerto que este sábado, 11 de decembro, ás 20 h o coro Mistura Vocal vai ofrecer no Teatro Municipal. Baixo a dirección da tudense Aloia Martínez 35 cantoras e cantores achegaránnos “A Historia da Luz” a través dun variado repertorio que brindará un percorrido musical por distintas épocas e estilos.
A luz entendida coma metáfora do Nadal e coma inicio e comezo, personificada nunha muller irá conducindo o concerto a través das obras interpretadas, ao tempo ilustrará ao público sobre a súa personalidade.
“Tui, o Camiño do Nadal” volve ser este ano o lema da programación elaborada polo Concello con motivo destas festas, na que a música terá gran protagonismo.
O acendido da iluminación de Nadal e a inauguración do Mercado de Nadal esta tarde marcan o inicio do programa previsto no que de novo o Camiño de Santiago Portugués, do que Tui é a porta de entrada en Galicia, conduce esta oferta de lecer, na que a aposta polo local e pola economía circular volve a estar moi presente.
A Biblioteca Pública Municipal de Tui organiza entre o sábado 4 e o xoves 23 de decembro un Mercadiño Solidario de Libros, en colaboración co departamento de Servizos Sociais do Concello de Tui.
Máis de 4.500 micro leds instalados en máis de 300 elementos decorativos coma arcos e guirnaldas, serán acendidos mañá ás 18.30 h dende a Praza da Inmaculada, nun acto de acendido simbólico do Nadal en Tui.
Este venres, ás 21.30 h, o Teatro Municipal de Tui acolle “La Boheme” con Camerata Lírica, un espectáculo que pecha a programación cultural do outono neste espazo.
Mañá martes, 30 de novembro, ás 17.30 h a Biblioteca Municipal de Tui acollerá a presentación do libro destinado ao público infantil “Peúgo, o calcetín melenudo” da mestra e escritora Jessica Rodríguez Piñeiro.
É un álbum ilustrado infantil, orientado dende os 5 anos, en galego con temática social. Trata de xeito sutil o tema da violencia de xénero a través da personaxe do calcetín e a súa confidente, a lavadora Ramona.
O próximo mércores, 1 de decembro, ás 18.30 h inaugurarase no anexo da Sala de Exposicións Municipal a mostra fotográfica “Chiaroscuro” de Antonio Fortuna, de Valença. A exposición poderá visitarse até o 8 de xaneiro no edificio Francisco Sánchez – Área Panorámica.
Mañá xoves, 25 de novembro, ás 19.30 h a Biblioteca Municipal de Tui acolle a presentación da novela “A viaxe xeométrica de Domingo Fontán” recentemente editado por Edición Laiovento. A novela é unha obra do escritor pontevedrés Alberto Fortes que ten cultivado obras de aventuras, novela negra ou novela histórica, entre elas “Memorial de a bordo” (2003) ou “Los viajes de Shackleton a la Antártida” (2014). Neste novo título a súa habilidade coa escritura e o seu amplo coñecemento da historia de Galicia no século XIX.
