O Concello disporá de tres bolsas de práctica laboral para titulados
O CONCELLO DE TUI DISPORÁ DE TRES BOLSAS DE PRACTICA LABORAL PARA TITULADOS
Ao abeiro dun programa de Deputación Provincial
Xoves, 10 de xaneiro de 2013. O Concello de Tui contará con tres bolsas para a realización de práctica laboral destinadas a mozos titulados universitarios sen experiencia laboral previa, coa finalidade de promover e completar a súa formación en áreas de coñecemento ou actividades que poidan facilitar a súa incorporación ó mercado laboral. Estas bolsas forman parte dun programa da Deputación Provincial de Pontevedra que convoca 195 bolsas en toda a provincia de Pontevedra.
No caso do Concello de Tui as bolsas convocadas son as seguintes bolsas:
-
1 para Diplomado ou graduado en Turismo
-
1 para licenciado ou graduado en Periodismo
-
1 para arquitecto técnico
Poden presentarse a estas bolsas os interesados que cumpran os seguintes requisitos
- Ter a nacionalidade española ou ser nacional dun dos países membros da Unión Europea.
- Posuír o título de licenciado, graduado ou diplomado nas áreas de coñecementos convocadas na data en que remate o prazo de presentación de instancias.
- Non ter cumpridos os 31 anos na data en que remate o prazo de presentación de solicitudes.
- Non estar incapacitado fisicamente nin padecer enfermidade que poida impedir o desenvolvemento da actividade obxecto da bolsa.
- Non ter sido beneficiario dunha bolsa remunerada na Deputación de Pontevedra nin en calquera dos entes, organismos ou entidades do sector público.
- Non ter experiencia laboral previa na profesión ou área de coñecementos, entendendo por tal non ter estado contratado polo grupo 1 ou 2 de cotización.
- Acreditar o coñecemento da lingua galega, nivel Celga IV.
- Estar disposto a asumir os gastos de desprazamento ó centro de traballo de destino.
- Non estar incurso nalgunha das prohibicións sinaladas no artigo 13 da Lei 38/2003, de 17 de novembro, xeral de subvencións.
Estas bolsas teñen unha dotación económica de 800,00 €/mes por beneficiario, e o prazo de presentación das instancias diante da Deputación Provincial de Pontevedra, coa documentación requirida en cada caso, remata o 25 de xaneiro de 2013.
Os interesados poden consultar as bases e os impresos de solicitude no seguinte enlace: http://www.depontevedra.es/?1,29866
Para o Concello de Tui está convocatoria amais de contribuír á formación de mozos titulados do noso municipio redundará nunha mellora na prestación dos servizos municipais coa incorporación temporal destes bolseiros.