O Concello de Tui expresa o seu pesar polo falecemento de Dona Asunción Concheiro García
2/09/2013
O CONCELLO DE TUI EXPRESA O SEU PESAR POLA MORTE DE DONA ASUNCIÓN CONCHEIRO GARCIA
O pasado sábado falecía na cidade de México DF dona Asunción Concheiro García, “Chonchiña”, viúva do Doutor Francisco Comesaña Rendo, persoas ambas de grande estima na nosa cidade.
O Alcalde de Tui, en nome da Corporación Municipal, tenlle expresado á filla e familiares de Dona Asunción Concheiro o seu pesar por esta morte “que nos priva dunha tudense de adopción pero especialmente dunha persoa cunha traxectoria vital digna de admiración e respecto”.