A aula da UNED de Tui impartirá este ano o primeiro curso do grado en psicoloxía e continúa co curso de acceso

A matrícula para o primeiro remata o 25 de setembro

 

A Aula da UNED de Tui ten aberto o prazo de matrícula para cursos os estudos correspondentes ao primeiro curso no grado de psicoloxía, ampliando así a súa oferta educativa que ata agora abranguía unicamente o curso de acceso á universidade para maiores de 25 e 45 anos de idade.

 

O prazo de matrícula para todos os alumnos de novo ingreso está aberto ata o 25 de setembro, data improrrogable. A matriculación é sempre on-line a través da páxina: http://www.unedpontevedra.com/matriculacion para calquera consulta ao respecto poden chamar ao teléfono 986.851850.

 

As clases comezarán o luns 15 de outubro para o grado en psicoloxía e o mércores 17 de outubro para os alumnos do curso de acceso. As clases de psicoloxía serán os luns entre as 16,00 e as 22,00 horas namentres que o curso se acceso continuará impartíndose os mércores e xoves.

 

Xunto a esta formación regrada a Aula da UNED de Tui continuará impartindo outras actividades de caracter formativo entre as que compre destacar:

 

-          CURSOS UNED SENIOR (para maiores de 45 anos de idade)

1.- Idiomas: Inglés.

2.- Coidado de maiores dependentes.

Os cursos terán unha duración de 30 horas. O prezo é de 50 Euros, e os alumnos recibirán un certificado e acreditación da Universidade de superación da materia xa que os cursos están avalados pola UNED. A matrícula pódese realizar on-line a través do enlace á Uned-senior

 

-          ACTIVIDADES DE EXTENSIÓN UNIVERSITARIA (para todos os públicos)

Os cursiños e seminarios previstos para este ano 2012-2013 son os seguintes

1.- Enoloxía: "Sommelier, O interprete do viño"

2.- Quero montar a miña empresa ¿Qué debo facer?

3.- Literatura creativa

3.- Teatro e Artes escénicas

4.- DERIVE: un recurso para aprender matemáticas

5.- Cómo educar a nosa intelixencia emocional

6.- Cómo falar en publico

7.- Taller para a elaboración dun blog

 

A concelleira de Educación do Concello de Tui, Vanesa Rodríguez Pereira, amosa a súa satisfacción polo inicio na nosa cidade da clases no grado de psicoloxía ampliando así a oferta educativa do noso municipio no ámbito do ensino superior, facilitando así o acceso de todos os cidadáns á educación. O Concello de Tui confía que deste xeito se incremente o número de persoas do noso municipio e a súa contorna que se decidan a cursar estudios universitarios, unha opción de gran interese para mellorar a súa formación académica e a súa cualificación profesional.

 

Rodríguez Pereira estima tamén de gran interese a oferta de actividades complementarias que nos dos últimos anos suscitaron un grande interese cubríndose as prazas ofertadas e que na ampla gama de cursos que este ano se realizarán pode atopar calquera persoa unha acción formativa de interese.

O Concello de Tui realiza un importante esforzo económico para a implantación dos estudos na UNED na nosa cidade convencido que esta oferta educativa incrementa a calidade dos servizos que ofrece Tui, consolidando así a súa posición estratéxica no seu ámbito territorial.

 

As persoas interesadas poden dirixirse ao correo electrónico: aulauned@concellotui.org ou en http://www.unedpontevedra.com/tui