4ª Andaia saudable eurocidade 2013 "PRG2 Serra do galiñeiro"

Xoves, 25 de abril de 2013. Este domingo 28 de abril, ás 10.00 horas españolas, terá lugar o cuarto percorrido do Circuíto de Andainas Saudables Eurocidade 2013, que terá a súa saída dende o aparcamento do merendeiro do Monte Aloia.

Esta cuarta andaina percorrerá unha distancia de 12 qm, sendo o grado de dificultade medio e tendo unha duración aproximada de tres horas.

Para todas aquelas persoas que non coñezan o punto de encontro, quedarase ás 09.45 horas españolas na estación de servizo ao carón do Parador de Tui, dende onde partiremos ata o punto de saída, onde repartirase o avituallamento habitual e selarase o pasaporte.

Dende o Concello de Tui anímase a participar nestas andainas saudables, nas que participaron xa unha media de 100 persoas nas anteriores.