Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Talía Teatro abre este venres, no Teatro Municipal de Tui, a extensa programación de outono que se prolongará durante este mes de outubro e o de novembro.
Ás 21.30 h Talía Teatro representará ‘Morte accidental dun anarquista’. Esta comedia de Diario Fo está dirixida por Cándido Pazó e conta uns sucesos reais ocorridos nos Estados Unidos en 1921 e que se inspiran na morte do ferroviario Giuseppe Pinelli en Milán.
O edificio Francisco Sánchez acolle este venres, 7 de outubro, ás 20 h a presentación do libro “El báculo de San Epitacio; Susana, Susana” do tudense Emilio Estévez. Esta é a segunda das actividades programadas con motivo do Mes da Biblioteca en Tui.
O propio Emilio Estévez será o encargado de desvelar ao público a historia que recolle na súa primeira novela, coa que debuta no panorama narrativo de aventuras. Será presentado por Eva González.
Dende este venres 7 de outubro, o Teatro Municipal de Tui acollerá unha extensa programación teatral para todos os públicos con recoñecidos espectáculos que visitarán a cidade ao longo dos próximos dous meses. En canto aos xéneros, haberá propostas de ópera, comedia, drama, cinema, danza contemporánea ou musicais.
Serán un total de oito espectáculos a celebrar até o 25 de novembro que chegarán da man de compañías coma Talia Teatro, Píscore, Butaca Zero, Tanxarina Títeres, Da.Te. Danza, Os Naúfragos e Contraproducións.
Hoxe inaugurouse na Oficina Municipal de Turismo de Tui a exposición “O despertar dos sentidos” organizada pola Asociación Cultural Tyde coa colaboración do Concello de Tui. Presenta a obra pictórica de once mulleres pertencentes a Asociación Cultural Tyde.
María Fernández, María Garrido, Emilia González, Teresa Ruano, Isabel G. De Haro, Conchi Alonso, Mª Carmen Baquero, Fina Saa, Mª José Rodríguez, Loli González e Pilar Pereira amosan os seus cadros nos que plasman dende paisaxes ata bodegóns e dende retratos ata imaxes abstractas. A técnica empregada na maioría é a acuarela.
O MUMI presenta tres días de programación con vinte concertos en directo de bandas galegas e portuguesas, faladoiros e encontros rápidos, tanto para os 200 profesionais acreditados como para o público xeral. O festival transfronteirizo abrirá novas oportunidades para as industrias musicais de ambos territorios, nun encontro que na súa terceira edición aspira á consolidación no panorama musical entre Galicia e Portugal.
A Biblioteca Pública Municipal de Tui abre a súa programación de actividades para este mes de outubro, arredor da celebración do “Día da Biblioteca”, cun espectáculo de animación para os máis cativos, dende os cinco anos, titulado “A máquina do tempo” a cargo do grupo de teatro Ghazafelhos. Esta actividades terá lugar mañá martes, 4 de outubro, ás 17.30 h con entrada de balde ata completar o aforo.
Tres días, vinte showcases, seis faladoiros, máis de 150 speedmeetings, un festival con bandas transfronteirizas, e máis de 200 profesionais, consolidan ao MUMI como marca cultural da Eurocidade tui-Valença, e como unha feira que ademais de abrir mercado con Portugal funciona tamén como punto de encontro para a industria musical galega.
|
Despois de tres xornadas de encontros entre programadores, axencias e artistas, o mercado das Músicas no Minho prepara a programación prevista para pechar esta terceira edición, que se afianza na Eurocidade Tui-Valença, e que comeza a gañar músculo coa participación de máis de 200 axentes das institucións públicas e das empresas culturais de Galiza e Portugal, que por fin contan cun espazo de encontro onde poñer en común propostas, inquedanzas e necesidades. |
Co gallo do Día da Biblioteca que se celebra o 24 de outubro a Biblioteca Municipal de Tui organiza un amplo programa de actividades dirixidas aos diversos segmentos de público para achegar o libro e a cultura á cidadanía.
As tres xornadas do MUMI 2021 Encontro Profesional das Músicas no Minho arrancaron hoxe xoves 29 coa benvida aos profesionais inscritos por parte da organización e das entidades que apoian o MUMI, representadas por Enrique Cabaleiro, alcalde de Tui; Jose Manuel Carpinteira, presidente da Cámara Municipal de Valença; Ana Laura Iglesias, Turismo e Xuventude da Deputación de Pontevedra; Jacobo Sutil, director da Axencia das Industrias culturais (AGADIC); Uxío Benítez, director da AECT Rio Minho; Ánxe
