Mañá mércores, 8 de agosto, ás 11.30 horas, fronte ao pantalán da instalación do Centro Municipal de Piragüismo de Tui, realizarase a presentación do XLVII Descenso Internacional do río Miño e do VIII Descenso Popular do Miño, probas organizadas polo Club Kaiak Tudense-Axuda Paramos, en colaboración co Concello de Tui e a Federación Galega de Piragüismo, que terán lugar o sábado 18 de agosto.

O próximo luns, ás 11h, terá lugar unha recepción no salón de sesións da casa do Concello de Tui aos remeiros do Club Remo do Miño Rodrigo Conde Romero e Carlota González Gil.

Rodrigo Conde vén proclamarse Campión do Mundo de Remo Olímpico na modalidade dobre Scull Sub 23 peso lixeiro na localidade polaca de Poznan.

O Comité Directivo do Consorcio do Louro, do que forma parte o alcalde de Tui, Carlos Vázquez Padín, xunto aos representantes dos concellos de O Porriño, Mos e Salceda, Marcos Besada, na súa reunión do pasado luns día 30 de xullo, acordou prestar os servizos de baleirado de fosas sépticas, transporte e xestión dos lodos na depuradora de Guillarei.

A corporación municipal de Tui celebra mañá mércores, 1 de agosto, pleno de carácter extraordinario cun único punto na orde do día. 

ORDE DO DÍA

A) Parte resolutiva:

Único.- Expediente 2489/2017.- Aprobación provisional do proxecto de modificación puntual nº 1 do PXOM no ámbito dos sectores urbanizables SU2A e SU2B, con ordenacións detalladas. 

Convocatoria pleno

A corporación municipal de Tui celebra hoxe xoves, 26 de xullo, ás 20h pleno de carácter ordinario coa seguinte orde do día:

A) Parte resolutiva:

1º.- Aprobación, se procede, de borrador da acta da sesión ordinaria nº 7/2018, de 28 de xuño.

2º.- Expediente 263/2018. Ditame desfavorable da Comisión Informativa de Contas, Facenda, Patrimonio e Persoal de proposta de Alcaldía, de data de data 16/07/2018, de aprobación definitiva do Orzamento Xeral do Concello de Tui para o ano 2018 e as súa bases de execución.

O Concello de Tui leva máis de dúas décadas colaborando coa asociación Solidariedade Galega co Pobo Saharauí no programa “Vacacións en paz”. Unha iniciativa que permite a nenos e nenas saharauís pasar o verán en Galicia, lonxe das inhóspitas condicións do deserto, e acceder a unha asistencia sanitaria que no seu lugar de orixe é moi difícil.  Este ano son sete nenas e un nenos os que até comezos do mes de setembro pasarán esta época estival no seo de familias acolledoras nas comarcas do Baixo Miño e do Val Miño.

A Xunta de Goberno Local do Concello de Tui concedeu esta semana á Vicepresidencia e Consellería da Presidencia, Administracións Públicas e Xustiza da Xunta de Galicia a licenza municipal de rehabilitación, reforma e cambio de uso do edificio situado na praza de Galicia, que anteriormente se destinaba a centro de saúde. O orzamento de execución de obra supera o 1,4 millóns de euros.

Hoxe venres, 13 de xullo, ás 11h no salón de sesións da casa do concello de Tui, o alcalde, Carlos Vázquez Padín, recibirá aos nenos e nenas saharauís que pasan o seu verán en Tui e no resto dos concellos do Baixo Miño dentro do programa “Vacacións en Paz”.

A música encherá o verán tudense nos distintos actos previstos dende esta fin de semana até o mes de setembro. A programación, que inclúe tamén cinema, deporte e gastronomía, foi presentada este mediodía na casa do concello. Esta oferta cultural vén recollida no número 36º da Axenda Corredoira Cultural da que se editan 15 mil exemplares que son distribuídos en Tui e Valença.  Esta publicación achega tamén a programación de outono/inverno conformada por oito eventos que se celebrarán no Teatro Municipal de Tui de outubro a decembro.

Mañá xoves, 12 de xullo, ás 11.30 h na sala de reunións da casa do concello terá lugar a presentación da programación cultural que se vai desenvolver na cidade dende este mes de xullo e ata decembro. Unha oferta cultural que vén recollida nun novo número da Axenda Corredoira Cultural.