Tui conta cunha longa tradición industrial e comercial, cunha importante actividade dende inicios do século XX, marcada en boa parte polas relacións comerciais con Portugal. Na actualidade a cidade mantén esa tradición cunha presenza de comercios de diversos sectores, ao que se suma a existencia, no Parque Empresarial de Areas, dun centro comercial Outlet. Semanalmente, os xoves, celébrase un mercado nas rúas novas e no Paseo da Corredoira. Tamén o Mercado de Abastos rexistra unha importante actividade sendo os días prinicipais os xoves e os sábados.
Reactiva Tui é o nome do Programa Municipal de Axudas Extraordinarias de Emerxencia que ten coma obxectivo mantemento e impulso do tecido empresarial local. Onte en pleno foron aprobadas as bases reguladoras deste programa ao que o Concello de Tui destinará 280 mil euros, procedentes do remanente de tesourería, para impulsar os negocios que tiveron que pechar debido á Covid-19.
Hoxe martes, 26 de maio, ás 20.30 h realizarase a presentación virtual da plataforma comercial É Tui para o sector comercial local.
Terá lugar a través de Zoom
Datos de acceso:
“É Tui” é o nome da plataforma comercial en liña que lanza o Concello de Tui para apoiar ao tecido comercial local. Trátase dunha plataforma moi visual, de imaxe atractiva, doado uso e identidade propia que marcará a diferencia do comercio tudense. Incorpora importantes novidades respecto a outras plataformas similares do mercado. Estará accesible en 4 idiomas: galego, castelán, portugués e inglés. Está previsto que comece a funcionar na primeira semana de xuño
O comercio local comezará a próxima semana a distribución de 3.600 máscaras hixiénicas reutilizables elaboradas polo grupo “Bicho fóra”. Este grupo realizou xa con anterioridade outras 3 mil máscaras.
O Concello de Tui ultima posta en marcha dunha plataforma de venda on line para o comercio que reúna nunha mesma tenda dixital todos os produtos que ofrecen os establecementos locais. Trátase dunha das medidas acordadas pola corporación municipal dentro do Plan de Reactivación Económica para apoiar ao comercio local e contribuír a paliar os efectos provocados pola crise da COVID-19. O concello de Tui financia e pon en marcha esta nova ferramenta coa que adaptarse aos novos tempos e aos novos hábitos de consumo e apostado pola profesionalización e a competitividade.
O alcalde de Tui, Enrique Cabaleiro anunciou no día de hoxe ao sector hostaleiro e de restauración do municipio a exención das taxas das terrazas a todos os establecementos desde o inicio da declaración do Estado de Alarma e durante o tempo que se manteña esta situación extraordinaria. Esta decisión foi acadada no seo da corporación municipal. Esta medida acompañarase ademais, da posibilidade de ampliar os espazos ocupados polas terrazas para facilitar así o cumprimento das recomendacións de distancias entre mesas e evitar a redución da capacidade na medida do posible.
Merca en Tui. Xuntos conseguirémolo! é o lema da campaña posta en marcha por ACITUI, a Asociación de Comerciantes e Industriais de Tui na que convidan a comprar no comercio de Tui. É unha aposta polo comercio local, o comercio de todos no que hai de todo. Cando todo isto pase….
Máis de 150 establecementos forman parte de "Tui entre todos". Coa reflexión "10 cousas que necesitarei do comercio local cando todo isto pase" teñen compartido inquedanzas, retos,... coa mirada posta en como afrontar o futuro que temos por diante baixo a máxima de "a unión fai a forza".
O Concello de Tui traballa na posta en marcha dun Plan de Reactivación Económica Local co que facer fronte as consecuencias económicas derivadas da crise provocada polo COVID-19. Consensuado por toda a corporación municipal esta actuación terá coma principal destinatarios ás empresas e as persoas autónomas do municipio.
Co inicio da desescalada o tecido empresarial e comercial terá que facer fronte a novos retos derivados da nova situación que estamos a vivir.
Preto de 70 establecemento conforman xa a listaxe do comercio local accesible na web municipal e na que se da conta dos produtos ou servizos que ofrecen. A listaxe actualízase diariamente nos novos comercios que se inscriben a través do formulario accesible na propia web no apartado COVID19.
