Presentación do Calendario Deportivo Eurocidade Tui-Valença

Mañá martes, 3 de febreiro, ás 11.00 horas españolas, na Pousada de San Teotonio de Valença, terá lugar a presentación do Calendario Deportivo Eurocidade Tui-Valença 2026. Nesta nova edición contará con 14 eventos deportivos de 11 modalidades deportivas, que se desenvolverán entre os meses de febreiro e decembro.

Na mesma, estarán presentes o alcalde de Tui, Enrique Cabaleiro, o presidente da Cámara Municipal de Valença, José Manuel Carpinteira, o concelleiro de Deportes de Tui, Rafael Estévez, o vereador de Desporto de Valença, Óscar Silva, acompañados polos representantes dos clubs e empresas organizadoras dos 14 eventos deportivos, e compañeiros e compañeiras das corporacións municipais.