Facebook Twitter Vimeo Instagram Youtube

 

 

 

 

Tui e Valença constitúen dende febreiro de 2012 unha Eurocidade, nun proceso que deu oficialidade formal á relación entre as poboacións dende antano. A interacción entre as dúas cidades e a colaboración entre as súas xentes son exemplo de cooperación transfronteiriza. Os dous municipios levan a cabo actividades conxuntas de promoción turística, así coma no eido deportivo e cultural. Desta unión nacerán nun futuro, con toda seguridade, proxectos e camiños que tudenses e valençianos percorrerán xuntos. 

Preto de medio millar de persoas participarán este sábado no VII Urban Trail Night Eurocidade

Undefined

Preto de medio millar de persoas participarán este sábado, 25 de novembro, no VII Urban Trail Night Eurocidade, que partirá ás 19.30 h do Centro Coordenador de Transportes de Valença, e cuxa liña de meta estará situada no Paseo da Corredoira en Tui. Contará, ao igual que en 2022, con dúas distancias 8 quilómetros e 16 quilómetros. A inscrición está aberta até ás 23.59 h deste mércores, 22 de novembro, en www.deporticket.com e en www.lap2go.com.

Tui e Valença reivindican a importancia e historia do Camiño Portugués a Santiago

Undefined

A Eurocidade Tui-Valença reivindica a importancia e a historia do Camiño Portugués a Santiago e vaino facer a próxima semana entre o luns 6 e o sábado 11 de novembro cunha peregrinación até Santiago que estará encabezada polo presidente da Cámara de Valença, José Carpinteira, e polo alcalde de Tui, Enrique Cabaleiro. Na mesma poderán participar amais 32 persoas, 16 persoas de Tui e outras 16 de Valença, que se no caso de Tui se deberán inscribir á maior brevidade na Oficina Municipal de Turismo ou no correo turismo@tui.gal.

A comisaria europea Elisa Ferreira visita Tui para coñecer de primeira man os proxectos de cooperación transfronteiriza Galicia-Norte de Portugal

Undefined

Tui e Valença son un exemplo de cooperación transfronteiriza. Hai dez anos constituíronse na primeira Eurocidade desta zona do Miño, pero a colaboración entre ambos municipios é histórica, ao igual que as relacións entre a poboación das súas marxes do río. O propio Camiño de Santiago, do que Tui é a porta de entrada en Galicia dende Portugal, ten sido ao longo dos séculos un exemplo de cooperación.

 

O Concello de Tui participou na presentación de Mercatus, a Agrupación Europea de Interese Económico

Undefined

O pasado venres presentouse Mercatus, a Agrupación Europea de Interese Económico Transfronterizo - Galicia | Norte de Portugal. Trátase dunha iniciativa da Cámara de Comercio de Tui e da Confederación Empresarial do Alto Minho, que conta co apoio da Cámara de Valença e do Concello de Tui.

O MUMI saca músculo e consolídase como o espazo de internacionalización das nosas músicas

Undefined

A 4ª edición do MUMI remata coa certeza de ter colocado novos e importantes chanzos no seu obxectivo de tender unha ponte entre as músicas de Galiza e Portugal abrindo o camiño da internacionalización para ambos territorios. O mercado da lusofonía e a conexión con outros territorios do Estado a través da colaboración iniciada este ano coa prestixiosa Fira Mediterrània de Manresa debuxan un horizonte ilusionante para artistas e programadores que atopan na feira oportunidades e contactos para vender as súas propostas.

O MUMI pecha hoxe domingo cunha gran festa de música nas rúas

Undefined

Tras dúas xornadas de encontros, faladoiros e showcases, o Encontro Profesional de Música Galiza-Portugal chega hoxe domingo ao seu fin cun programa de música polas rúas da Fortaleza de Valença, onde os Gaiteiros da Ponte Velha e a banda Gooze House Marching Band teñen a misión de contaxiar ao público cos ritmos das súas propostas musicais, ambas construídas a partir do estudo e a experimentación a partir da tradición.
 

O MUMI presenta as músicas que imos ver nos escenarios nos próximos meses

Undefined

A programación profesional do MUMI dará comezo hoxe venres ás 10:30 na ZONA PRO instalada no edificio da Escola Superior de Ciencias Empresariais de Valença. A xornada comezará cunha rolda de encontros rápidos ou speedmeetings que se sucederán durante toda a fin de semana e onde bandas e artistas terán a oportunidade de presentar as súas propostas musicais ante distintos grupos de responsables de programación de salas, festivais, concellos e outras entidades públicas e privadas que conforman o ecosistema musical a ambas beiras do Miño.

O MUMI arranca mañá cun espectáculo inédito creado para o encontro

Undefined

Tui e Valença prepáranse para acoller a partir de mañá xoves, a programación da 4ª edición do Encontro de Músicas Profesionais Galiza-Portugal MUMI 2023.  O único mercado de músicas que existe na Galiza neste momento naceu hai catro anos co obxectivo de reunir as mellores propostas musicais de ambos territorios para mostralas antes as principais entidades e empresas programadoras, pero tamén co propósito dalas a coñecer aos públicos galego e portugués que inexplicablemente viven de costas ás músicas que se fan no país veciño.

Conta atrás para o MUMI que comeza o próximo xoves 21 na Eurocidade Tui-Valença

Undefined

O MUMI chega á súa 4ª edición co obxectivo de seguir construíndo novas e mellores formas de traballar pola música en vivo. Con ese propósito, a feira presenta un bo feixe de novidades como a colaboración coa prestixiosa Fira Mediterrània de Manresa, que abre as nosas músicas ao mercado internacional; ou o Espazo Loja destinado á promoción dos traballos publicados polas editoras musicais.

Páxinas

Subscribirse a RSS - Eurocidade